ەلەنا رىباكينا قاتارىنان ءۇش ماتچتا 10 نان استام ەيس جاساعان ءبىرىنشى تەننيسشى اتاندى

استانا. قازاقپارات - الەمنىڭ 7-راكەتكاسى ەلەنا رىباكينا بيىل قاتارىنان ءۇش ماتچتا 10 نان استام ەيس جاساعان ءبىرىنشى تەننيسشى اتاندى، دەپ حابارلايدى قازاقپارات ءتىلشىسى.

OptaAce رەسۋرسىنان ءمالىم ەتكەندەي، قازاقستاندىق تەننيسشى بۇل بىرەگەي ناتيجەگە ا ق ش- تا ءوتىپ جاتقان مايامي ماستەرس تۋرنيرىندە قول جەتكىزدى.

ە. رىباكينا رەسەيلىك اننا كالينسكايامەن وتكەن ماتچتا 14، يسپانيالىق پاۋلا بادوسامەن بولعان ويىندا 12، بەلگيالىق ەليزا مەرتەنسپەن باسەكەدە 10 ەيس جاسادى.

ەلەنا رىباكينا شيرەك فينالدا الەمنىڭ 24-راكەتكاسى، يتاليالىق مارتينا تريەۆيزانمەن شەبەرلىك بايقاسادى.

ەسكە سالا كەتەيىك، بۇدان بۇرىن قازاقستان جاس وسپىرىمدەرىنىڭ تەننيستەن الەم چەمپيوناتىنا ىرىكتەۋ ساتىسىن ءساتتى باستاعانىن جازعان بولاتىنبىز.

سونداي-اق قازاقستاندىق تەننيسشى فرانسيادا نەگىزگى تۋرنيرگە جولداما الدى.

ەلەنا رىباكينا مايامي ماستەرس تۋرنيرىنىڭ ¼ فينالىنا شىقتى.

11 رەت قاتارىنان جەڭىسكە جەتكەن رىباكينا الداعى ماتچ تا وڭايعا تۇسپەيتىنىن ايتتى.