16:30, 17 - ناۋرىز 2023 | GMT +6
تەڭگە دەپوزيتتەرىنە %10 وتەماقى تولەۋ ءوزىن اقتادى ما - ساراپشى پىكىرى
استانا. قازاقپارات - تاۋەلسىز قارجى ساراپشىسى اندرەي چەبوتاريەۆ تەڭگە دەپوزيتتەرىنە %10 وتەماقى تولەۋ شاراسىن ءساتتى پروتسەدۋرا رەتىندە باعالاپ وتىر، دەپ حابارلايدى قازاقپارات ءتىلشىسى.
«بۇگىن سالىمشىلارعا ناقتى اقشا اۋدارىلا باستادى. باعدارلاما ءوزىن اقتادى. ءبىر جىل بۇرىن داعدارىس كەزىندە دەپوزيتتەردىڭ اۋىتقۋى تىركەلگەن جوق. كەرىسىنشە، رەكوردتىق كولەمدە جاڭا دەپوزيتتەر پايدا بولدى. دەپوزيتتەردىڭ دوللارلانۋى بولعان جوق. سوندىقتان باعدارلاما ءوزىن اقتادى»، - دەدى ساراپشى.
سونداي-اق ول وتەماقىعا تولەنەتىن اقشانىڭ ۇلتتىق قوردان ەمەس، مەملەكەتتىك بيۋجەتتەن الىنعانىن ەرەكشە اتادى.
«وسىنىڭ ءبارىن ەسكەرىپ، باعدارلاما ءساتتى اياقتالدى دەۋگە بولادى. ويتكەنى ءوز مىندەتىن ورىندادى»، - دەپ تۇيىندەدى اندرەي چەبوتاريەۆ.
ەسكە سالساق، تەڭگەلىك دەپوزيتتەرگە وتەماقى تولەۋگە ارنالعان قاراجات بانكتەرگە ءتۇستى. كەيبىر بانكتەر سالىمشىلارىنا وتەماقى تولەي باستادى.