ەلوردالىقتار سپورتتىڭ 10 تۇرىنەن «بۇرقاسىن» فەستيۆالىنە قاتىسا الادى

None
استانا. قازاقپارات - بيىل ەلوردادا «بۇرقاسىن-2023» جىل سايىنعى قىسقى فەستيۆالى 19-اقپاندا وتەدى، دەپ حابارلايدى قازاقپارات.

فەستيۆالگە ادەتتەگىدەي، نيەت بىلدىرگەن كەز كەلگەن ادام قاتىسا الادى.

جارىستار سپورتتىڭ 10 تۇرىنەن وتەدى: شاڭعى جارىسى، گىر تاسىن كوتەرۋ، قول كۇرەسى، بەلبەۋ كۇرەسى، ارقان تارتىس، پيمالى حوككەي، قارمەن نىسانانى دالدەپ اتۋ، اۆتوسپورت، موتوسپورت جانە قىسقى فۋتبول.

«جارىسقا قاتىسۋعا دەنساۋلىعى جارامدى بارلىق تىلەك بىلدىرۋشىلەر قاتىسا الادى. تىركەۋدەن ءوتۋ كەزىندە وزىمەن بىرگە جەكە باسىن كۋالاندىراتىن قۇجات بولۋى قاجەت»، - دەلىنگەن قالا اكىمدىگىنىڭ مالىمەتىندە.

ايتا كەتەيىك، شاڭعى جارىسىنا تىركەۋ جانە باستاپقى نومىرلەر ءار جاس توبى بويىنشا جارىس كەستەسىنە سايكەس 30 مينۋت بۇرىن بەرىلەدى.

ءار جاس توبىنىڭ جەڭىمپازدارى مەن جۇلدەگەرلەرى ديپلومدارمەن، مەدالدارمەن جانە باعالى سىيلىقتارمەن ماراپاتتالادى.

سوڭعى جاڭالىقتار