ەكسكۋرسيا كەزىندە 10 وقۋشى سۋعا باتىپ كەتتى

استانا. قازاقپارات - پاكىستاننىڭ حايبەر-پاحتۋنحۆا پروۆينتسياسىندا وقۋشىلاردى تاندا كولى ارقىلى تاسىمالداپ بارا جاتقان كەمە اۋدارىلدى.

پوليتسيا مالىمەتىنشە، 11 ادام قۇتقارىلدى، دەپ حابارلايدى قازاقپارات Deutsche Welle-گە سىلتەمە جاساپ.

پاكىستاننىڭ سولتۇستىك-باتىسىنداعى حايبەر-پاحتۋنحۆا پروۆينتسياسىندا وقۋشىلاردى تاندا كولى ارقىلى تاسىمالداپ بارا جاتقان شاعىن كەمە اۋدارىلىپ، 10 وقۋشى مەرت بولدى. The Times of India باسىلىمىنىڭ 29- قاڭتار، جەكسەنبى كۇنى جەرگىلىكتى پوليتسيا وكىلىنە سىلتەمە جاساپ حابارلاۋىنشا، مارقۇمداردىڭ جاسى 7-14 جاس ارالىعىندا بولعان.

بيلىك 11 بالا قۇتقارىلعانىن، ونىڭ التاۋىنىڭ جاعدايى اۋىر ەكەنىن ءمالىم ەتتى. پوليتسيا وكىلدەرىنىڭ ءتۇسىندىرۋى بويىنشا، ءدىني مەكتەپتىڭ 25-30 وقۋشىسى كەمەمەن ەكسكۋرسياعا شىققان.