تورەعالي تورەالى كەپىلگە 10 ميلليون تەڭگە بەرىپ بوستاندىققا شىعادى

قونايەۆ. قازاقپارات - كۇنى كەشە عانا بۇزاقىلىق جاساعانى ءۇشىن قاماۋعا الىنعان ءانشى تورەعالي تورەالى بوستاندىققا شىعادى، دەپ حابارلايدى قازاقپارات ءتىلشىسى.

الماتى وبلىستىق سوتى باسپا ءسوز قىزمەتىنىڭ مالىمەتىنشە، ءانشىنىڭ قورعاۋشىسى سوتقا ونى كەپىلدىكپەن بوساتۋ جونىندە ءوتىنىش تۇسىرگەن. ءىس بۇگىن قارالعان.

«كەگەن اۋداندىق سوتى كۇدىكتى تورەعالي تورەالىنى 10 10 ميلليون تەڭگە كەپىلدىكپەن بوساتۋ جونىندەگى ءىستى قارادى. كەپىلدىكپەن بوساتۋ ق ر قىلمىستىق پروتسەسسۋالدىق كودەكستە قاراستىرىلعان»، - دەلىنگەن الماتى وبلىستىق سوتىنىڭ باسپا ءسوز قىزمەتى تاراتقان حابارلامادا.

ەستەرىڭىزگە سالا كەتەيىك، بۇعان دەيىن الەۋمەتتىك جەلىدە بەلگىسىز جىگىت تورەعالي تورەالى ونىڭ قاباعىن جارىپ، جۇدىرىقتاعانىن جەتكىزگەن بولاتىن.

وسى جايتتان كەيىن كۇدىكتى دەپ تانىلعان ءانشى تورەعالي تورەالى ۋاقىتشا ۇستاۋ يزولياتورىنا قاماۋعا الىندى.

وعان قاتىستى قىلمىستىق كودەكستىڭ 293-بابى بويىنشا تەرگەۋ ءجۇرىپ جاتىر.

ءىس كەگەن اۋدانى پوليتسيا ءبولىمىنىڭ وندىرىسىندە.

اۆتور

سامال قابىشيەۆا