جەڭىلدىكپەن اۆتونەسيە بەرۋ باعدارلاماسى: بۇگىن تاعى 10 ميلليارد تەڭگە ءبولىندى

None
نۇر- سۇلتان. قازاقپارات - اۆتوكولىكتەردى جەڭىلدەتىلگەن نەسيەمەن بەرۋ باعدارلاماسىنا تاعى 10 ميلليارد تەڭگە ءبولىندى.

بۇل تۋرالى قازاقپارات ءتىلشىسىنىڭ ساۋالىنا وراي يندۋستريا جانە ينفراقۇرىلىمدىق دامۋ مينيسترلىگىنە قاراستى «ونەركاسىپتى دامىتۋ قورىنان» ءمالىم ەتتى.

اتالعان باعدارلاماعا جوسپار بويىنشا 100 ميلليارد تەڭگە قاراستىرىلعان. العاشقى 90 ميلليارد تەڭگە وسىدان ءۇش اي بۇرىن ءبولىندى.

قور دەرەگىنشە، 4 پايىزبەن بەرىلەتىن اۆتونەسيە باعدارلاماسىنا قاتىسۋشى «ەۋرازيالىق بانككە» - 35 ميلليارد، «بانك سەنتر كرەديتكە» - 27,5 ميلليارد، «حالىق بانككە» - 22,5 ميلليارد جانە «Forte Bank» - كە 15 ميلليارد تەڭگە بولىنگەن.

«بۇگىن قالعان 10 ميلليارد تەڭگە ءبولىندى»، - دەلىنگەن ۇسىنىلعان مالىمەتتە.

«ونەركاسىپتى دامىتۋ قورىنىڭ» اقپاراتىنا قاراعاندا، اۆتوكولىك ساتىپ الۋعا وڭىرلەردەن تۇسكەن وتىنىشتەر سانى كەلەسىدەي:

الماتى قالاسى - 7031 ءوتىنىش؛

نۇر- سۇلتان قالاسى - 5381 ءوتىنىش؛

شىمكەنت قالاسى - 4664 ءوتىنىش؛

قوستاناي وبلىسى - 2465 ءوتىنىش؛

قاراعاندى وبلىسى - 2109 ءوتىنىش؛

شىعىس قازاقستان وبلىسى - 1732 ءوتىنىش؛

پاۆلودار وبلىسى - 1442 ءوتىنىش؛

اقتوبە وبلىسى - 1144 ءوتىنىش؛

جامبىل وبلىسى - 1112 ءوتىنىش؛

قىزىلوردا وبلىسى - 815 ءوتىنىش؛

ماڭعىستاۋ وبلىسى - 720 ءوتىنىش؛

اتىراۋ وبلىسى - 616 ءوتىنىش؛

باتىس قازاقستان وبلىسى - 594 ءوتىنىش؛

اقمولا وبلىسى - 571 ءوتىنىش؛

سولتۇستىك قازاقستان وبلىسى - 524 ءوتىنىش؛

الماتى وبلىسى - 470 ءوتىنىش؛

تۇركىستان وبلىسى - 148 ءوتىنىش.

بۇگىنگە دەيىن جەڭىلدەتىلگەن شارتتارمەن نەسيەلەۋ باعدارلاماسى بويىنشا 10015 قازاقستاندىق كولىك العان. ال جالپى 4 پايىزبەن تەمىرتۇلپار الۋعا نيەتتى 31538 قازاقستاندىقتان ءوتىنىش تۇسكەن.

سوڭعى جاڭالىقتار