ءسىزدىڭ ميلليونەر بولمايتىنىڭىزدىڭ 10 بەلگىسى
8 تامىز 12:03

ءسىزدىڭ ميلليونەر بولمايتىنىڭىزدىڭ 10 بەلگىسى

نۇر- سۇلتان. قازاقپارات - الەمدەگى ءاربىر ادام ميلليونەر بولا الادى، ءبىراق بارلىعى مۇنداي مۇمكىندىكتى قولدانا بەرمەيدى. ءسىز نەگە ءالى ميلليونەر ەمەس ەكەنىڭىزدى بىلگىڭىز كەلسە، كەلەسى بەلگىلەردى وقىڭىز.

ءسىز بەرىلىپ جۇمىس ىستەيسىز

مەكتەپتەن بەرى ايتىپ، قۇلامىزعا ءسىڭىپ كەتكەن سوزدەر «بارىنشا بەرىلىپ جاساعان جۇمىس - تابىس كەپىلى». قارجى كەڭەسشىسى ريك ەدەلماننىڭ ويىنشا بۇل شىندىقتىڭ ءبىر عانا بولىگى. «ەگەر ومىرىڭىزدە جاساپ جۇرگەن نارسەنىڭ ءبارى قيىن بولسا، ءسىز ەشقاشان باي بولمايسىز. قوماقتى قارجى جيناۋ ءۇشىن تەك قانا قاجىرلى ەڭبەك ەتۋ جەتكىلىكسىز»، - دەيدى ريك. ەڭبەكتەن بولەك، جيعان-تەرگەنىڭىزدى اقىلمەن جۇمساي ءبىلۋ كەرەك. مىسالى، اقشانى قور نارىعىنا، دەپوزيتكە تاعى دا باسقا قارجى قۇرالدارىنا سالىپ قويۋ.

ءسىز ءوز ۋاقىتىڭىزدى اقشا تابۋعا ەمەس، اقشانى ۇنەمدەۋگە جۇمسايسىز

كەيبىر ادامدار اقشانى ۇنەمدەۋگە كوپ كوڭىل بولەدى. مىسالى، ءوز ۋاقىتىن قوسىمشا قاراجات تابۋعا ەمەس، دۇكەن ارالاۋعا ارنايدى.

«ءبىز جەڭىلدىكتەر ىزدەۋگە سونشا كوپ ۋاقىت جۇمسايمىز جانە سونىڭ كەسىرىنەن اقشا تابۋ مۇمكىندىگىن جىبەرىپ الامىز»، - دەيدى ميلليونەر ستيۆ سيبولد.

ۇنەمدەۋ ستراتەگياسىنان باس تارتۋدىڭ قاجەتى جوق. الايدا، ەگەر ءسىز باي ادامدار سياقتى ويلاعىڭىز كەلسە، اقشانىڭ جەتىسپەۋشىلىگىنە الاڭ بولماڭىز. ونىڭ ورنىنا قارجى تابۋ كوزدەرىن ىزدەڭىز. باي ادامدار قارجى تابۋ كوزدەرىنىڭ نەعۇرلىم كوپ بولۋىنا كوڭىل بولەدى.

ءسىز وزىڭىزگە الا المايتىن زاتتاردى الاسىز

ەگەر ءسىزدىڭ تابىسىڭىزدان شىعىنىڭىز ارتىپ تۇرسا، ءسىز ەشقاشان باي بولمايسىز.

«مەنىڭ كومپانيالارىم مەن ينۆەستيتسيالارىم ماعان سەنىمدى قارجى كوزدەرىن الىپ كەلمەگەنشە، مەن ەشقانداي قىمبات ساعات تا، كولىك تە العان جوقپىن. ميلليونەر بولا تۇرا، مەن Toyota Camry كولىگىمەن ءجۇردىم. ساتىپ العان قىمبات بۇيىمدارىڭىزبەن ەمەس، ءوزىڭىزدىڭ جەتكەن جەتىستىكتەرىڭىزبەن تانىمال بولىڭىز»، - دەپ جازادى ميلليونەر گرانت كاردونە.

تۇراقتى جالاقىڭىزعا كوڭىلىڭىز تولادى

قاراپايىم ادامدار جۇمىس جاساعان ۋاقىتىنا قاراي جالاقى الادى، ال باي ادامدار ىستەگەن جۇمىسىنىڭ ناتيجەسىنە سايكەس جالاقى العاندى جاقتايدى.

«ادامداردىڭ كوبىسى ءۇشىن جالاقى - گۇلدەنۋگە ەڭ قاراپايىم جانە قاۋىپسىز جول. ءبىراق ۇلىلار بىلەدى، ءوزىن- ءوزى جۇمىسپەن قامتۋ - بايۋ جولىنداعى ەڭ تەز امال»، - دەيدى ستيۆ سيبولد.

الەمدىك بيزنەستىڭ وكىلدەرى ءوز كومپانيالارىن جەتىلدىرىپ، اقشا تابۋعا مۇمكىندىك ىزدەپ جۇرگەندە، ميلليونداعان ادامدار قاراپايىم جۇمىستارىندا قالىپ، وزدەرىنە كىرىس تابۋعا كەپىل بەرەدى.

ءسىز ينۆەستيتسيا جاساۋدى باستاعان جوقسىز

قاراجات تابۋدىڭ ەڭ ءتيىمدى جولى - ينۆەستيتسيا جاساۋ. نەعۇرلىم ەرتە باستاساڭىز، سوعۇرلىم وزىڭىزگە جاقسى.

«ورتا ەسەپپەن العاندا ميليونەرلەر ءبىر جىلدا تاپقان تابىستارىنىڭ %20 ىن ينۆەستيتسياعا سالادى»، - دەپ جازادى ءوزىنىڭ «مەن سىزدەرگە بايۋدى ۇيرەتەمىن» اتتى كىتابىندا راميت سەتتي. «ولاردىڭ بايلىعى جىل سايىن تاپقان سومالارىمەن ەمەس، ۋاقىتىندا ينۆەستيتسيا جاساعانىمەن ەسەپتەلەدى».

قارجى قۇرالدارىنا اقشا سالۋ ءۇشىن قارجى ساراپشىسى بولۋدىڭ قاجەتى جوق. قاراپايىم نارسەگە اقشا سالۋدى باستاساڭىز، سونىڭ ءوزى سىزگە ۇلكەن قاراجات الىپ كەلەتىنىن كورەسىز.

ءسىزدىڭ جۇمىسىڭىز وزىڭىزگە ۇنامايدى

ەگەر ءسىز تابىستى ادام بولعىڭىز كەلسە - ءوز جۇمىسىڭىزدى جاقسى كورۋىڭىز كەرەك. بۇل ءسىزدىڭ بولاشاقتاعى ءومىرىڭىزدى جاسايدى. ماماندىق تاڭداۋدا كوپ ادامدار قاتەلەسەدى. وزگەلەردىڭ پىكىرىن تىڭداپ، وزىنە ۇنامايتىن ماماندىقتى تاڭدايدى.

«وزگەلەردىڭ ارمان- ماقساتتارىن قۋامىن دەپ، ءسىز سوڭىندا تاڭداعان ماماندىققا كوڭىلىڭىز تولمايدى»، - دەپ جازادى ميلليونەر توماس كارلي «ادەتتەرىڭدى وزگەرت، ءومىرىڭدى وزگەرت» ماقالاسىندا. ونىڭ ايتۋىنشا، جۇمىس تاڭداۋدا ءسىز تەك ءوزىڭىزدى تىڭداۋىڭىز كەرەك، باسقا جاعدايدا ۇنامايتىن ىسپەن اينالىسىپ، باي بولا المايسىز.

ءسىز «جايلى ايماقتان» سيرەك شىعاسىز

ەگەر ءسىز بايۋعا بەت بۇرساڭىز، سەنىمسىزدىك پەن ديسكومفورتقا ۇيرەنۋىڭىز قاجەت. باي ادامدار جايلىلىقتى بەلگىسىزدىكتەن ىزدەيدى.

«ورتا كلاستىڭ وي ساناسىنىڭ باستى ماقساتى - فيزيكالىق، پسيحولوگيالىق جانە ەموتسيونالدىق جايلىلىق. ويشىلداردىڭ ەسەبى بويىنشا، باي ادامدارعا جايلىلىق ماڭىزدى ەمەس. ولار ءاردايىم بەلگىسىزدىكتە جۇمىس ىستەپ، وسى جاعدايدا جايلىلىق تابۋعا ۇيرەنگەن»، - دەيدى ستيۆ سيبولد.

ءسىزدىڭ قارجىلىق ماقساتىڭىز جوق

العا قويعان ماقساتىڭىز بولسا، اقشا جيناۋ وڭايىراق. ماقسات رەتىندە مىنا نارسەلەردى قولدانۋعا بولادى: ءۇي ساتىپ الۋ، شەتەلدە ءومىر ءسۇرۋ، اي سايىن ساياحاتتاۋ جانە ت. ب. وزىڭىزگە ماقسات تابىڭىز، ونى اق قاعازعا جازىڭىز.

«كوپ ادامدار تۇسىنبەيتىن ءبىرىنشى سەبەپ، ول وزدەرىنە نە كەرەك ەكەنىن بىلمەۋ. باي ادامدار نە كەرەك ەكەنىن جاقسى بىلەدى. ولار بايىعىسى كەلەدى»، دەيدى ميلليونەر ت. حارۆ ەكەر.

ءسىز ءبىرىنشى جۇمسايسىز، سوسىن جينايسىز

باي بولامىن دەسەڭىز ءبىرىنشى اقشانىڭ ءبىر بولىگىن جيناۋ ءۇشىن ءبولىپ قويىڭىز، سوسىن قالعان سومانى جۇمساڭىز.

دەۆيد باح «اۆتوماتتى ميلليونەر» كىتابىندا بىلاي دەيدى: «ادامدار ءبىرىنشى نەسيەگە تولەيدى، تەلەفونعا تولەيدى، ۇيگە تولەيدى». ول تابىستى ءبىرىنشى جيناۋعا جىبەرۋدەن باستاۋ كەرەك دەيدى. ال ەڭ جاقسى امال - ءسىزدىڭ كارتوچكاڭىزدان اۆتوماتتى تۇردە ءبىر سوما جيناقتاۋ شوتىنا اۋدارىلىپ تۇرادى. مۇنداي قىزمەتتى كەز كەلگەن بانكتە قوستىرۋعا بولادى.

ءسىز باي بولا الاتىنىڭىزعا سەنبەيسىز

«بايلىق تەك باقىتتى ادامدارعا بەرىلەتىن قاسيەت دەپ ويلايتىن ادامدار كوپ. شىنىمدى ايتسام، كاپيتالدىق مەملەكەتتە كەز كەلگەن ادامنىڭ باي بولۋعا قۇقىعى بار»، - دەيدى ستيۆ سيبولد.

ميلليونەر ماسەلەنى «نەگە مەن ەمەس؟» دەگەن سۇراقتان باستاپ شەشۋگە كەڭەس بەرەدى. وزىڭىزگە سەنىڭىز جانە تىم بولماسا 1 ميلليون تەڭگە تابۋدى ماقسات قىلىڭىز.ەت

ايزا ابلاكيم


جاڭالىقتار