شەتەلدىكتەر ءۇشىن ەڭ مەيىرىمدى 10 مەملەكەت
رەيتينگ 181 ەلدە تۇراتىن 177 ۇلتتىڭ 11970 ەميگرانتىنىڭ ساۋالناماسىنا نەگىزدەلگەن. سونىمەن، مەكسيكا ەڭ مەيىرىمدى ەل بولدى. ون رەسپوندەنتتىڭ توعىزى جەرگىلىكتى حالىق دوستىق قارىم- قاتىناستا دەيدى. 89 پايىزى بۇل جەردە شەتەلدىكتەرگە وتە جاقسى قارايدى دەپ سانايدى. رەسپوندەنتتەردىڭ 75 پايىزى بۇل ەلدە دوستىق قارىم-قاتىناس ورناتۋ وڭاي ەكەنىن ايتتى.
يندونەزيا - ەكىنشى ورىندا. ون رەسپوندەنتتىڭ توعىزى جەرگىلىكتى تۇرعىندار شەتەلدىكتەرگە جاقسى قارايدى دەپ مالىمدەدى. ال 46 پايىزى جەرگىلىكتى تۇرعىندار كەلۋشىلەرگە وتە مەيىرىمدى جانە جاعىمدى دەپ سانايدى.
رەسپوندەنتتەردىڭ ۇشەۋىنىڭ ەكەۋى وماندا دوستار تابۋ وڭاي ەكەنىن ايتادى. تورتەۋىنىڭ ۇشەۋى جەرگىلىكتى مادەنيەتكە ۇيرەنۋ وڭاي دەسە، ال بەسەۋىنىڭ تورتەۋى وماندا وزدەرىن ۇيىندە جۇرگەندەي سەزىنەتىنىن ءتۇسىندىردى.
فيليپپيندىك رەسپوندەنتتەر «دوستاردى ىزدەۋ» ساناتىندا جاقسى ناتيجە كورسەتتى: ادامداردىڭ 71 پايىزى جەرگىلىكتى تۇرعىندار اراسىندا دوستار تابۋ وڭاي ەكەنىن ايتتى. رەسپوندەنتتەردىڭ بەسەۋىنىڭ تورتەۋى فيليپپيندە ادامدار مەيىرىمدى، ال 78 پايىزى وزدەرىن ۇيىندەگىدەي سەزىنەتىنىن ايتتى. جالپى، مۇندا ادامداردىڭ 68 پايىزى وزدەرىنىڭ الەۋمەتتىك ومىرىنە ريزا.
برازيليا - بەسىنشى ورىن. ەل 2021 -جىلى رەيتينگتەگى 10-ورىننان جانە 2019 -جىلى رەيتينگتەگى 15-ورىننان كوتەرىلدى. بۇل ەل تۋرالى ەسەپ كورسەتىلمەگەن بولسا دا، وتكەن جىلدارداعى كورسەتكىشتەرگە قاراپ، رەسپوندەنتتەردىڭ 83 پايىزعا جۋىعى جەرگىلىكتى تۇرعىندار شەتەلدىكتەرگە مەيىرىمدى قارىم-قاتىناس جاسايتىنىن بولجاۋعا بولادى.
ۆەتنامدا ون ادامنىڭ جەتەۋى ءوزىن ۇيىندەگىدەي سەزىنەدى، ال امەريكالىق ەميگرانت «ادامداردىڭ جىلۋى، ادالدىعى جانە دوستىعى» ەلدەگى ەڭ جاعىمدى ساتتەردىڭ ءبىرى ەكەنىن ايتتى. رەسپوندەنتتەردىڭ 83 پايىزى جەرگىلىكتى تۇرعىنداردى شەتەلدىكتەرگە ەرەكشە مەيىرىمدى قارىم- قاتىناس جاسايدى دەپ سانايدى. 54 پايىزى جەرگىلىكتى ادامدارمەن دوستاسۋ وڭاي ەكەنىن ايتتى.
تايۆان ەڭ مەيىرىمدى ەلدەر اراسىندا جەتىنشى ورىندا: 78 پايىزى جەرگىلىكتى تۇرعىنداردىڭ جاقسى ورنالاسۋىن سەزىنەدى. ءجۇز رەسپوندەنتتەردىڭ تەك 53 ى تايۆاندا وزدەرىن ۇيدە سەزىنەتىندەرىن ايتتى. رەسپوندەنتتەردىڭ جارتىسى «مۇندا دوس تابۋ وتە وڭاي» دەدى.
ايتا كەتەيىك، ق ح ر تايۆاندى قىتاي قۇرامىنا ورالۋى كەرەك بولىنگەن پروۆينسيا دەپ سانايدى. قازاقستان تايۆاننىڭ تاۋەلسىزدىگىن مويىندامايدى.
تايلاند سەگىزىنشى ورىندا. ادامداردىڭ 81 پايىزى جەرگىلىكتى حالىقتىڭ شەتەلدىكتەرگە مەيىرىمدى قارايتىنىن ايتتى. 52 پايىزى جەرگىلىكتى تۇرعىندارمەن دوستاسۋ وڭاي دەسە، 69 پايىزى تايلاندتاعى الەۋمەتتىك ومىرىنە ريزا ەكەنىن ايتادى.
پورتۋگاليادا 77 پايىزى وزدەرىن جاقسى سەزىنەتىندەرىن ايتتى. 41 پايىزى وزدەرىن ۇيدە جۇرگەندەي سەزىنەتىندەرىن ايتتى. ساۋالناماعا قاتىسۋشىلاردىڭ 51 پايىزىنا جەرگىلىكتى ادامدارمەن دوستاسۋ وڭاي بولعان. شەتەلدىكتەردىڭ تەك 67 پايىزى پورتۋگالياداعى الەۋمەتتىك ومىرگە ريزا.
باحرەين ونىنشى ورىندا. 70 پايىزى جەرگىلىكتى تۇرعىنداردىڭ كەلۋشىلەرگە جاقسى ورنالاسۋىن سەزىنەدى. رەسپوندەنتتەردىڭ 57 پايىزى جەرگىلىكتى ادامدارمەن دوستاسۋ وڭاي ەكەنىن ايتتى. 77 پايىزى جەرگىلىكتى حالىق شەتەلدىكتەرگە مەيىرىممەن قارايدى دەپ سانايدى.