ەلوردادا جىلىنا 10 مىڭ جۇك ماشيناسى مەن ارنايى تەحنيكا شىعارىلماق
بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنەن ءمالىم ەتتى، دەپ حابارلايدى قازاقپارات.
«استانا - جاڭا قالا» ا ە ا يندۋستريالىق پاركى اۋماعىندا ورنالاسقان جوبانىڭ جالپى قۇنى - 8,8 ميلليارد تەڭگە. العاشقى كەزەڭدە كاسىپورىندا جىلىنا 11800 ارنايى تەحنيكانىڭ بولشەكتەرىن قۇراستىرۋ، سىرلاۋ جانە دانەكەرلەۋ جۇمىستارى جۇرگىزىلدى. ال، ەكىنشى كەزەڭ تولىق ىسكە قوسىلعاندا جىلىنا 10 مىڭ تولىققاندى دايىن جۇك جانە مامانداندىرىلعان تەحنيكا شىعارۋ كوزدەلىپ وتىر»، - دەلىنگەن ق ر ي ي د م باسپا ءسوز قىزمەتى تاراتقان مالىمدەمەدە.
2021-2025-جىلدارى جۇزەگە اسىرىلاتىن جوبانىڭ قازىرگى تاڭدا ەكىنشى كەزەڭىن ىسكە قوسۋعا دايىندىق جۇمىستارى جۇرگىزىلىپ جاتىر.
باسپا ءسوز قىزمەتىنىڭ اقپاراتىنا سايكەس يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ زاۋىت جۇمىسىمەن تانىستى.
مينيستر كاسىپورىننىڭ ىشكى نارىقتى ارنايى تەحنيكامەن تولىققاندى قامتاماسىز ەتىپ قانا قويماي، ەكسپورتقا شىعارىلاتىن ءونىم كولەمىنىڭ ارتۋىنا دا ەلەۋلى ۇلەس قوساتىنىنا نازار اۋداردى.
شەتەلدىك ينۆەستيتسيا تارتۋ ارقىلى ىسكە قوسىلعان زاۋىت قازىر 250 گە جۋىق ادامدى جۇمىسپەن قامتىپ وتىر.
زاۋىتتا كولىك قۇرالدارىن دانەكەرلەۋ، بوياۋ جانە قۇراستىرۋ جۇمىستارى جۇرگىزىلەدى. سونىمەن قاتار، ارنايى مامانداندىرىلعان تەحنيكالاردىڭ تەستىك سىنامالارى دا جيناقتالادى.
