اتىراۋ وبلىسى اكىمىنىڭ بۇرىنعى ءبىرىنشى ورىنباسارى 10 جىلعا سوتتالدى

None
None
اتىراۋ. قازاقپارات - اتىراۋ وبلىسى اكىمىنىڭ بۇرىنعى ءبىرىنشى ورىنباسارى 10 جىلعا سوتتالدى، دەپ حابارلايدى قازاقپارات.

بۇگىن اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىندا وبلىس اكىمىنىڭ بۇرىنعى ءبىرىنشى ورىنباسارى نۇرلان تاۋبايەۆ پەن وبلىستىق قۇرىلىس باسقارماسىنىڭ باسشىسى تيمۋر باساروۆتى ايىپتاۋ بويىنشا قىلمىستىق ءىس قارالدى.

«2020 -جىلدىڭ شىلدە ايىندا اتىراۋ وبلىسىنىڭ اكىمدىگىمەن جىلىوي اۋدانىنىڭ قۇلسارى قالاسىندا اۋرۋحانا سالۋ تۋرالى شەشىم قابىلداندى. قۇرىلىس جۇمىستارىن «ب ك ك» ج ش س ورىنداعان. سوتتالۋشى نۇرلان تاۋبايەۆ وبلىس اكىمىنىڭ ورىنباسارى بولا تۇرا جانە قۇرىلىس سالاسىنا جەتەكشىلىك ەتە وتىرىپ، «ب ك ك» ج ش س ديرەكتورىنىڭ ورىنباسارىنان كەلىسىمشارت سوماسىنىڭ %10 مولشەرىندە پارا تالاپ ەتكەن.

كەيىن سوتتالۋشى تيمۋر باساروۆتنىڭ (قۇرىلىس باسقارماسىنىڭ باسشىسى) قاتىسۋىمەن پارا سوماسى %7 عا، 185500000 تەڭگە مولشەرىندە كەلىسىلگەن. نۇرلان تاۋبايەۆ سوتتالۋشى تيمۋر باساروۆقا اقشا قاراجاتىن الىپ كەلۋدى تاپسىرعان. سودان كەيىن تيمۋر باساروۆ جابىرلەنۋشىدەن 185730004 تەڭگە (423900 ا ق ش دوللارى جانە 5000000 تەڭگە) مولشەرىندە پارا العان. پارا بەرۋ بارىسىندا تيمۋر باساروۆ سىبايلاس جەمقورلىققا قارسى اگەنتتىكتىڭ قىزمەتكەرلەرىمەن ۇستالعان»، - دەپ حابارلادى وبلىستىق سوتتىڭ باسپا ءسوز قىزمەتى.

سوت تالقىلاۋى كەزىندە كورسەتىلگەن ءمان-جايلار مەن سوتتالۋشىلاردىڭ كىناسى سوتتالۋشى تيمۋر باساروۆتىڭ كىناسىن تولىق مويىنداۋ جاۋابىمەن، جابىرلەنۋشىنىڭ، كۋالاردىڭ ايعاقتارىمەن، وقيعا بولعان جەردى قاراۋ حاتتامالارىمەن، جەكە تىنتۋمەن، Whatsapp مەسسەندجەرىندەگى حات الماسۋمەن، باقىلاۋ كامەرالارىنىڭ بەينەجازباسىمەن، ا ج ءى ش جانە ج ت ءا ناتيجەلەرىمەن، ساراپتاما قورىتىندىلارىمەن ءوز دالەلىن تاپقان.

«سوت سوتتالۋشى نۇرلان تاۋبايەۆتى ق ر قىلمىستىق كودەكسىنىڭ 24-بابىنىڭ 3-بولىگى، 366-بابىنىڭ 4-بولىگىمەن (مەملەكەتتىك قىزمەتتى اتقاراتىن لاۋازىمدى ادامنىڭ قورقىتىپ الۋ جولىمەن ادامدار توبىنىڭ الدىن الا ءسوز بايلاسۋىمەن اسا ءىرى مولشەردە پارا الۋعا وقتالۋى)، ب. -نى ق ك-تىڭ 28-بابىنىڭ 5-بولىگى، 24-بابىنىڭ 3-بولىگى، 366-بابىنىڭ 4-بولىگىمەن (اتالعان ءىس- ارەكەتتەرگە كومەكتەسۋ) كىنالى دەپ تانىدى. ونىڭ قابىلداعان انتتى بۇزۋ ارقىلى قىلمىس جاساعانىن جازانى اۋىرلاتاتىن جاعداي رەتىندە تانىلىپ وتىر»، - دەپ ءمالىم ەتتى باسپا ءسوز قىزمەتىنەن.

سوت ۇكىمىمەن نۇرلان تاۋبايەۆقا 10 (ون) جىل باس بوستاندىعىنان ايىرۋ جازاسى تاعايىندالدى. سوتتالۋشى تيمۋر باساروۆقا جازانى اۋىرلاتاتىن ءمان-جايلار مەن زاڭ تالاپتارىنىڭ (جازا 8 جىل 5 ايدان اسپايدى) بولماۋى ەسكەرىلە وتىرىپ، ق ر قىلمىستىق كودەكسىنىڭ 55-بابىنىڭ 4-بولىگى قولدانىلىپ، 5 جىل باس بوستاندىعىنان ايىرۋ جازاسى تاعايىندالدى. ەكى سوتتالۋشى دا ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلدى. سوت ۇكىمى زاڭدى كۇشىنە ەنگەن جوق. ەسكە سالا كەتەلىك، بۇدان بۇرىن سوت ۇكىمىمەن اتىراۋ وبلىسى اكىمىنىڭ ورىنباسارى كىناسىز دەپ تانىلعانىن جازعان ەدىك.

اۆتور: بەك مۇستافا

سوڭعى جاڭالىقتار