قازاقستاندا حالىقتىڭ تابيعي ءوسىمى 10 پايىزعا كەمىپ، قايتىس بولعاندار سانى ارتتى

نۇر-سۇلتان. قازاقپارات - ۇلتتىق ستاتيستيكا بيۋروسى قاڭتار- ناۋرىزداعى دەموگرافيالىق احۋال جونىندە مالىمەت تاراتتى، دەپ حابارلايدى قازاقپارات.

1-ساۋىرگە دەيىن ەلىمىزدەگى حالىق سانى 191788000 ادامدى قۇرادى. ونىڭ ىشىندە قالالىقتار - 11419,8000 (59,5 پايىز)، اۋىلدىقتار - 7759000 ادام (40,5 پايىز). 2021 -جىلعى 1-ساۋىرمەن سالىستىرعاندا حالىق سانى 238,3 مىڭ ادامعا نەمەسە 1,3 پايىز ءوستى.

حالىقتىڭ تابيعي قوزعالىسى

2022 -جىلعى قاڭتار- ناۋرىزدا رەسپۋبليكا حالقىنىڭ تابيعي ءوسىمى 2021 -جىلعى قاڭتار- ناۋرىزبەن سالىستىرعاندا (64,3 مىڭ ادام) 10,6 پايىز كەمىپ، 57,5 مىڭ ادامدى قۇرادى. تابيعي ءوسىمنىڭ جالپى كوەففيتسيەنتى - 1000 ادامعا شاققاندا 12,13 ادام. 2022 -جىلعى قاڭتار- ناۋرىزدا تۋعاندار سانى - 95,6 مىڭ.

بۇل 2021 -جىلعى قاڭتار- ناۋرىزعا (100,5 مىڭ ادام) قاراعاندا 4,8 پايىز از. تۋۋدىڭ جالپى كوەففيتسيەنتى - 1000 ادامعا 20,16. قاراستىرىلىپ وتىرعان كەزەڭدە قايتىس بولعاندار سانى 38,1 مىڭ ادامدى قۇرادى، بۇل 2021 -جىلعى قاڭتار- ناۋرىزعا (36,1 مىڭ ادام) قاراعاندا 5,4 پايىز كوپ. ءولىم-ءجىتىمنىڭ جالپى كوەففيتسيەنتى - 1000 ادامعا 8,03 قايتىس بولعان ادام. 2022 -جىلعى قاڭتار- ناۋرىزدا رەسپۋبليكادا 1 جاسقا دەيىن شەتىنەگەن 828 نارەستە تىركەلدى. 2021 -جىلعى ءتيىستى كەزەڭمەن سالىستىرعاندا (815 شەتىنەگەن نارەستە) 1,6 پايىز ارتتى.

نارەستە ءولىم-ءجىتىمىنىڭ كوەففيسيەنتى 1000 تۋعانعا شاققاندا 8,66 وقيعانى قۇرادى.

حالىقتىڭ كوشى-قونى

كوشى-قون قىزمەتى ورگاندارى ۇسىنعان مالىمەتتەردى وڭدەۋ ناتيجەسىندە، 2022 -جىلعى قاڭتار- ناۋرىزدا ەلىمىزگە تۇرعىلىقتى تۇرۋعا كەلگەندەردىڭ تىركەلۋ سانى - 4108 ادامدى، ەلىمىزدەن كەتكەندەردىڭ سانى - 5281 ادامدى، كوشى- قوننىڭ ايىرىمى - 1173 ادامدى قۇرادى. ت م د ەلدەرىنەن كەلگەندەردىڭ جانە سول ەلدەرگە كەتكەندەردىڭ كوشىپ-قونۋشىلاردىڭ جالپى سانىنان ۇلەسى - 86 پايىز جانە 80,8 پايىز. ەل ىشىندە قونىس اۋداراتىن كوشىپ-قونۋشىلار سانى 12,6 پايىزعا كەمىدى. ءوڭىرارالىق قونىس اۋدارۋ بويىنشا حالىق كوشى- قونىنىڭ وڭ ايىرىمى ەلىمىزدىڭ 3 وڭىرىندە بايقالدى: نۇر-سۇلتان (7523 ادام)، الماتى (8278 ادام) جانە شىمكەنت (866 ادام) قالالارىندا.