ۋكراينادان ەۆاكۋاتسيالاۋ: قازاقستاننىڭ 10 ازاماتى مولدوۆاعا جەتتى
بۇل تۋرالى ق ر سىرتقى ىستەر مينيسترلىگىنىڭ رەسمي وكىلى ايبەك سمادياروۆ ءمالىم ەتتى، دەپ حابارلايدى قازاقپارات ءتىلشىسى.
«مولدوۆاداعى جاعداي كەلسەك، كەشە ەلشىلىك ونداعى ازاماتتارعا كولىك ۇيىمداستىردى. قازىرگى ۋاقىتتا رۋمىنيانىڭ باس كونسۋلدىعىنان ترانزيتتىك ۆيزا الۋ ءۇشىن قازاقستاننىڭ ازاماتىن كاگۋل قالاسىنا جەتكىزۋ جاعى جوسپارلانىپ جاتىر. ۆيزا العاننان كەيىن رۋمىنيا ارقىلى شەكارادان شىعارىلادى. شەكارادان وتكەننەن كەيىن شارۋاعا بۋحارەست قالاسىنداعى قازاقستاننىڭ ەلشىلىگى كىرىسەدى. سول ارقىلى ىستانبۇلعا ودان ءارى ازاماتتارىمىزدى ەلگە جەتكىزۋ ۇيىمداستىرىلادى»، - ا. سمادياروۆ مينيسترلىكتە وتكەن بريفينگتە.
ايتا كەتەيىك، بۇگىن سىرتقى ىستەر مينيسترلىگىندە ۋكرايناداعى قازاقستاندىقتاردى ەلگە قايتارۋدى ۇيىمداستىرۋ بارىسىنا ارنالعان شۇعىل بريفينگ ءوتتى. بريفينگتە ۋكراينانىڭ لۆوۆ قالاسىنداعى قازاقستاننىڭ كونسۋلدىعى الدىنا 55 ازاماتتىڭ جينالعانى ايتىلدى. سونداي-اق، ۋكرايناداعى قازاقستان ازاماتتارى اراسىندا زارداپ شەككەندەر جوق. ودان بولەك، كيەۆتەگى قازاقستان ەلشىلىگىنىڭ شتاتتىق رەجيمدە جۇمىس ىستەپ تۇر. قازاقستاندىقتار مىنگەن 3 اۆتوبۋس ۋكراينا شەكاراسىندا كەپتەلىستە تۇر.