اۋا رايىنا بايلانىستى 10 وڭىردە ەسكەرتۋ جاريالاندى
الماتى قالاسىندا تۇندە جانە تاڭەرتەڭ تۇمان، كوكتايعاق كۇتىلەدى.
باتىس قازاقستان وبلىسىنىڭ سولتۇستىگىندە تۇمان، كوكتايعاق كۇتىلەدى. جەل وڭتۇستىك- شىعىستان سوعادى، وبلىستىڭ وڭتۇستىك-باتىسىندا ەكپىنى 15-20 م/س ارتادى.
اقتوبە وبلىسىندا وڭتۇستىك-شىعىستان جەل سوعادى، كۇندىز وبلىستىڭ وڭتۇستىك-باتىسىندا ەكپىنى 15-20 م/س جەتەدى.
الماتى وبلىسىنىڭ سولتۇستىك-شىعىس جانە وڭتۇستىگىندە تۇمان، كوكتايعاق كۋتىلەدى. سولتۇستىك-شىعىستان جەل سوعادى، وبلىستىڭ شىعىسىندا جانە وڭتۇستىگىندە كۇشى 15-20 م/س قۇرايدى. تۇندە جانە تاڭەرتەن وبلىستىڭ تاۋلى ايماقتارىندا قاتتى قار جاۋادى.
اتىراۋ وبلىسىندا وڭتۇستىك-شىعىستان جەل سوعادى، ەكپىنى 15-20 م/س قۇرايدى.
قىزىلوردا وبلىسىندا كۇندىز جەل شىعىستان سوعىپ، جىلدامدىعى 15-20 م/س جەتەدى.
تۇركىستان وبلىسىنىڭ وڭتۇستىگىندە، باتىسىندا، تاۋ بوكتەرلى اۋداندارىندا تۇمان كۇتىلەدى. وبلىستىڭ سولتۇستىگىندە شاڭدى داۋىل تۇرادى.
شىعىستان، وڭتۇستىك-شىعىستان جەل سوعادى، وبلىستىڭ سولتۇستىگىندە، تاۋلى اۋداندارىندا كۇشى 15-20 م/س قۇرايدى.
شىمكەنت قالاسىندا تۇندە تۇمان بولجانادى. تۇندە شىعىس قازاقستان وبلىسىنىڭ شىعىسىندا جاياۋ بۇرقاسىن كۇتىلەدى. وبلىستىڭ سولتۇستىك-شىعىسىندا تۇمان بولادى. تۇندە وبلىستىڭ وڭتۇستىگىندە جەل 15-20 م/س قۇرايدى.
قاراعاندى وبلىسىنىڭ سولتۇستىگىندە جانە وڭتۇستىگىندە تۇمان كۇتىلەدى.