USD 434.84 EUR 498.2
RUB 5.72 CNY 68.47
جاڭالىقتار

الەمدە سوڭعى ءبىر اپتادا كوروناۆيرۋستان قايتىس بولعاندار سانى 10 پايىز ءوستى

8 جەلتوقسان 11:55
:ءبولىسۋ
الەمدە سوڭعى ءبىر اپتادا كوروناۆيرۋستان قايتىس بولعاندار سانى 10 پايىز ءوستى

جەنەۆا. تاسس- قازاقپارات - وتكەن اپتادا الەمدە 4,1 ميلليون ادام كوروناۆيرۋس ينفەكسياسىن جۇقتىردى، 52,5 مىڭنان اسا ادام كوز جۇمدى.

دۇنيەجۇزىلىك دەنساۋلىق ساقتاۋ ۇيىمىنىڭ (د د س ۇ) حابارلاۋىنشا، الدىڭعى كۇندەرمەن سالىستىرعاندا، جاڭا جۇقتىرۋ جاعدايلارى 2 پايىزعا، ءولىم كورسەتكىشى 10 پايىزعا ارتقان، دەپ حابارلايدى قازاقپارات تاسس اگەنتتىگىنە سىلتەمە جاساپ.

«وتكەن اپتا كورسەتكىشىمەن سالىستىرعاندا، ءولىم سانى 10 پايىزعا ءوسىپ، 52,5 مىڭنان اسا ادام قايتىس بولعان»، - دەلىنگەن د د س ۇ- نىڭ ەپيدەميولوگيالىق بيۋللەتەنىندە.

قۇجاتتا كەلتىرىلگەن ستاتيستيكاعا ساي، 29-قاراشا مەن 5-جەلتوقسان ارالىعىندا 4,1 ميلليون ادام ۆيرۋس جۇقتىرعان. بۇل وتكەن اپتامەن سالىستىرعاندا 2 پايىزعا كوپ.

29-قاراشا مەن 5-جەلتوقسان ارالىعىندا الەم بويىنشا 4105073 ادام ۆيرۋس جۇقتىرىپ، 52641 ادام قايتىس بولعان.

سوڭعى اپتا بويىنشا ەڭ كوپ جۇقتىرۋ جاعدايى ا ق ش-تا (752393) تىركەلگەن.

بەستىككە گەرمانيا (396429)، ۇلى بريتانيا (310696)، فرانسيا (283500) جانە رەسەي (231240) كىرەدى.

ۆيرۋس جۇقتىرعاندار اراسىندا دەلتا شتامى انىقتالعاندار ۇلەسى - %99,8. ال وميكرون شتامى ۆيرۋس جۇقتىرعانداردىڭ 0,1 پايىزىنان انىقتالعان. الفا، بەتا جانە گامما شتامدارىنىڭ ۇلەسى 0,1 پايىزدان تومەن، دەپ مالىمدەدى د د س ۇ. جاڭا «وميكرون» شتامى 57 ەلدە انىقتالعان.

اۆتور: ءبيبىحان سەرىكوۆا



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر

مۇراعات