ديماش قۇدايبەرگەن تانىمالدىق جاعىنان الەمدەگى توپ-10 ءانشىنىڭ قاتارىندا

None
None
نۇر-سۇلتان. قازاقپارات - وتانداسىمىز، ءانشى ديماش قۇدايبەرگەن الەۋمەتتىك جەلىدە تانىمالدىلىق جاعىنان الەم بويىنشا 10 ءانشىنىڭ قاتارىنا ىلىكتى، دەپ حابارلايدى قازاقپارات ءانشىنىڭ فانكلۋبىنا سىلتەمە جاساپ.

امەريكانىڭ NetBase Quid اتتى تاۋەلسىز زەرتتەۋ كومپانياسى قاراشا ايىندا الەۋمەتتىك جەلىدە اتتارى ءجيى اتالعان الەمگە تانىمال انشىلەردىڭ ءتىزىمىن جاسادى.

اتالعان ۇيىمنىڭ زەرتتەۋى تالداۋ جانە ينتەرنەت نارىعىن قولدانۋشىلاردىڭ باعاسىنا نەگىزدەلىپ جۇرگىزىلگەن.

الەمگە ايگىلى انشىلەردىڭ ىشىندە ديماش قۇدايبەرگەن تانىمالدىلىق جاعىنان 9 - ورىنعا تۇراقتاعان. ءبىرىنشى ورىندا امەريكالىق ءانشى تەيلور سۆيفت، ەكىنشى ورىندا كورەيالىق BTS توبىنىڭ مۇشەسى JIN جانە ءۇشىنشى ورىندا وڭتۇستىك كورەيالىق ءانشى Lisa (Blackpink توبىنىڭ ەكس- مۇشەسى). سونداي-اق، انشىلەر رەيتينگىنە كوپكە تانىمال Adele، دجاستين بيبەر جانە اريانا گراندە سەكىلدى ونەر جۇلدىزدارى بار.

ەسكە سالا كەتسەك، قاراشا ايىنىڭ باسىندا ديماش قۇدايبەرگەن Billboard حيت- شەرۋىندە توپ-10 ەنگەن ەدى.

سوڭعى جاڭالىقتار