اتىراۋ وبلىسىندا جىل باسىنان بەرى 10 مىڭ توننادان اسا بالىق اۋلانعان
بۇل تۋرالى ايماق اكىمى ماماحمبەت دوسمۇحامبەتوۆ ورتالىق كوممۋنيكاتسيالار قىزمەتىندە وتكەن بريفينگىدە ايتتى.
«وبلىستا بالىق اۋلاۋمەن جانە وڭدەۋمەن 16 كاسىپورىن اينالىسادى. شاباق پەن بەكىرە وسىرەتىن 2 زاۋىت جۇمىس ىستەيدى. جىل باسىنان بەرى 10 مىڭ توننادان اسا بالىق اۋلاندى. بۇل 2020-جىلدىڭ سايكەس كەزەڭىمەن سالىستىرعاندا %56 ارتىق. 9 مىڭ توننا قايتا وڭدەلدى. ونىڭ %88 ەكسپورتقا جىبەرىلدى»، - دەگەن ايماق باسشىسى وڭىردە مەديتسينالىق كادر تاپشىلىعى قالاي رەتتەلىپ جاتقانىن باياندادى.
«دەنساۋلىق ساقتاۋ ينفراقۇرىلىمىن دامىتۋ اياسىندا 2021-جىلى 4 نىسان سالىندى. 6 نىساننىڭ قۇرىلىسى ءجۇرىپ جاتىر. مەديتسينالىق جابدىقتاردى جاڭارتۋعا 2 ميلليارد تەڭگە باعىتتالدى. سونىڭ ارقاسنىدا مەديتسينالىق جابدىقتارمەن قامتاماسىز ەتۋ %78 تەن %91 كە ارتتى. بيىل مەديتسينا سالاسى ماماندارىنىڭ تاپشىلىعىن تومەندەتۋ ءۇشىن وڭىرگە 71 جاس مامان تارتىلدى، ونىڭ 21 ءى اۋىلدارعا جىبەرىلدى. سونىمەن قاتار، سوڭعى 3 جىلدا مەديتسينالىق ماماندىقتار بويىنشا وقۋ گرانتتارىنىڭ سانى 54 تەن 71 گە دەيىن ۇلعايتتىق»، - دەدى ماحامبەت دوسمۇحامبەتوۆ.