ءاربىر ۇلتتىق جوبانى ءىرى- ءىرى 10 مەملەكەتتىك باعدارلاما دەسەك بولادى - قايرات كەلىمبەتوۆ
بۇل جايىندا TALAP. Talks الاڭىندا سۇقبات بەرگەن ق ر ستراتەگيالىق جوسپارلاۋ جانە رەفورمالار اگەنتتىگىنىڭ ءتوراعاسى، «استانا» ح ق و باسقارۋشىسى قايرات كەلىمبەتوۆ ايتتى، دەپ حابارلايدى قازاقپارات ءتىلشىسى.
«جالپى، ۇكىمەت ءۇشىن دە، مەملەكەت ءۇشىن دە 10 ۇلتتىق جوسپار مەن بىرىكتىرىلگەن 9 ۇلكەن كورسەتكىش بار. بۇل، ماسەلەن، ورتاشا ءومىر ءسۇرۋ ۇزاقتىعىن 75جاسقا دەيىن جەتكىزۋ. بۇكىل ەل وسى باعىتتا جۇمىس ىستەۋى قاجەت. ويتكەنى، وندا ازاماتتاردىڭ قاۋىپسىزدىگى مەن دەنساۋلىعى، كولىك قاۋىپسىزدىگى قامتىلعان. ونىڭ توڭىرەگىندە وتە كوپ ماسەلە بار»، - دەدى اگەنتتىك باسشىسى سۇقبات بارىسىندا.
سونىمەن قاتار ول اتالعان ۇلتتىق جوبالاردىڭ اياسىندا كوپتەگەن جاڭا جۇمىس ورنىنىڭ اشىلاتىندىعىن ايتادى.
«ايتالىق، قازىر 1 ميلليوننان استام جاڭا جۇمىس ورنىن اشۋ مىندەتى جۇكتەلىپ وتىر. قازىرگى ۋاقىتتا دەموگرافيالىق ءوسىم بار ەكەندىگىن جاقسى تۇسىنەمىز جانە ەڭبەك نارىعىنا جاس بۋىن كوپتەپ كەلىپ جاتىر. بىزدە ەل جالقىنىڭ جارتىسىن تاۋەلسىزدىك جاستارى قۇراپ وتىر. مىنە، وسى دەموگرافيالىق وسىمگە ينفراقۇرىلىمدارىمىز قايتادان دايىن بولۋى قاجەت»، - دەدى قايرات كەلىمبەتوۆ.
اگەنتتىك باسشىسى ۇلتتىق جوبالاردان تۋىندايتىن 9 مەگاينديكاتور بولاتىندىعىن العا تارتادى. «تۇپتەپ كەلگەندە ءاربىر ۇلتتىق جوبانى ءىرى- ءىرى 10 مەملەكەتتىك باعدارلاما دەسەك بولادى»، - دەدى ول.
اۆتور: مارلان جيەمباي