+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

جامبىل جابايەۆقا ارنالعان 10 تومدىق جيناقتىڭ تۇساۋى كەسىلدى

14 قازان 14:10
:ءبولىسۋ
جامبىل جابايەۆقا ارنالعان 10 تومدىق جيناقتىڭ تۇساۋى كەسىلدى

نۇر- سۇلتان. قازاقپارات - ەلوردادا جامبىل جابايەۆتىڭ 175 جىلدىق مەرەيتويىنىڭ اياسىندا شىققان 10 تومدىق جيناقتىڭ تۇساۋكەسەرى ءوتتى، دەپ حابارلايدى قازاقپارات ءتىلشىسى.

شاراعا ق ر مەملەكەتتىك حاتشىسى قىرىمبەك كوشەربايەۆ، قر مادەنيەت جانە سپورت ءمينيسترى اقتوتى رايىمقۇلوۆا، ق ر پارلامەنتىنىڭ سەنات جانە ءماجىلىس دەپۋتاتتارى، قوعام قايراتكەرلەرى مەن عالىمدار، زيالىق قاۋىم وكىلدەرى قاتىستى.

شارانىڭ اشىلۋىندا ءسوز سويلەگەن مەملەكەتتىك حاتى قىرىمبەك كوشەربايەۆ بۇل جيناقتىڭ ماڭىزىنا توقتالدى.

«ءبىز بۇگىن ۇلى جامبىلدىڭ 175 جىلدىق مەرەيتويى اياسىندا مەملەكەتتىك تاپسىرىس ارقىلى جارىققا شىققان 10 تومدىق جيناقتىڭ تۇساۋكەسەر راسىمنە جينالىپ وتىرمىز. ۇلى جىراۋىڭ سوڭىندا قالعان سوقتالى شىعارمالارىن ۇلتتىڭ يگىلىگنە جاراتىپ، كەلەر ۇرپاققا جەتكىزۋ ءبىز ءۇشىن ۇلاعاتتى پارىز، اسىل امانات. مەرەيتوي جىلىندا اقىن شىعارمالارىن ناسيحاتتاپ، حالىققا جەتكىزۋدە رەسپۋبليكا كولەمىندە كوپتەگەن مادەني ءىس- شارالار جۇرگىزىلۋدە. سولاردىڭ ءبىرى مەملەكەتتىك كوميسسيا قابىلداعان شەشىمنىڭ اياسىندا جارىق كورگەن وسى كوپتومدىقتار دەر ەدىم، - دەدى قىرىمبەك كوشەربايەۆ.

تۇساۋى كەسىلگەن 10 تومدىققا جامبىل جابايەۆتىڭ وتكەن عاسىردىڭ باسىنان باستاپ دۇنيە سالعانعا دەيىنگى بارشا ولەڭدەرى مەن ايتىستارى، جىرلارى توپتاستىرىلعان. سونداي-اق، اقىن شىعارماشىلىعىنا قاتىستى عالىمداردىڭ عىلىمي زەرتتەۋلەرى، كورنەكتى اقىن- جازۋشىلاردىڭ ەستەلىكتەرى دە ەنگەن.

«بۇگىن تۇساۋى كەسىلىپ وتىرعان 10 تومدىق جيناق جامبىتانۋعا قوسىلعان ۇلكەن ۇلەس، حالقىمىزدىڭ رۋحاني قازىناسىن مولايتقان ىرگەلى ەڭبەك دەپ ەسەپتەيمىز. جىر الىبى جامبىلدىڭ بۇكىل مۇراسى، ونىڭ ءومىرى مەن شىعارماشىلىعى تۋرالى ەستەلىكتەر مەن عىلىمي زەرتتەۋلەر، جامبىل بيبليوگرافياسى تۇڭعىش رەت تولىمدى باسىلىم رەتىندە جارىققا شىقتى»، - دەگەن مەملەكەتتىك حاتشى تۋىندىنىڭ قازاق حالقىنىڭ رۋحانياتىنا قوسىلعان تاعى ءبىر قۇندى مۇرا بولاتىنىنا سەنىم ءبىلدىردى.



:ءبولىسۋ
پئكئر قالدئرؤ
+7
جئبةرؤ
سونداي-اق... وقىڭىز
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات