جاڭا ەكولوگيالىق كودەكس اياسىندا 10 ميلليون قازاقستاندىق گازدىڭ يگىلىگىن كورەدى
بۇل تۋرالى ق ر پرەزيدەنتى قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.
«اۋقىمدى ەنەرگەتيكالىق وزگەرىستەرگە دايىندالۋ ءۇشىن ءبىز جاڭا ەكولوگيالىق كودەكس قابىلدادىق. ول وزىق الەمدىك ستاندارتتارعا سايكەس كەلەدى. كاسىپورىنداردى ەكولوگيالىق تولەمدەردەن تولىق بوساتۋ ەسەبىنەن ءوندىرىستى جاڭعىرتۋعا مۇمكىندىك بەرىلدى»، - دەدى قاسىم-جومارت توقايەۆ «پاريج كەلىسىمىنىڭ ماقساتتارىنا قول جەتكىزۋ جولدارى جانە قازاقستاننىڭ كومىرتەگى بەيتاراپتىعى» اتتى حالىقارالىق كونفەرەنسيادا.
سونداي-اق، پرەزيدەنت بۇگىنگە دەيىن ەل استاناسىن گازعا جالعاۋ جوباسى بالاما قۋات كوزىن تۇتىناتىن ازاماتتاردىڭ سانىن ارتتىرعانىن اتادى.
«ءبىز پارنيكتىك گازدار شىعارىندىلارىنا كۆوتالار ساۋداسىنىڭ ۇلتتىق جۇيەسىن قايتا قۇرىپ، ونى ءتيىستى حالىقارالىق جۇيەلەرمەن ۇيلەستىرىپ جاتىرمىز. گاز كومىرگە قاراعاندا «جاسىل» بالاما وتىن بولىپ وتىر. ەلدە اۋقىمدى گازداندىرۋ جۇرگىزىلدى. بۇگىندە ءبىزدىڭ 10 ميلليونعا جۋىق ازاماتتارىمىز سەنىمدى جانە ەكولوگيالىق تازا وتىنعا قول جەتكىزە الادى. الماتى، نۇر-سۇلتان، قاراعاندى سياقتى ءىرى قالالاردا ءبىز جىلۋ ەلەكتر ستانتسيالارىن كومىردەن گازعا كوشىرۋ بويىنشا اۋقىمدى جوبالاردى جۇزەگە اسىرىپ جاتىرمىز»، - دەپ تۇيىندەدى پرەزيدەنت.