08:31, 17 - قىركۇيەك 2021 | GMT +6
ارىس قالاسىنان 10 وتباسى ەلدىڭ سولتۇستىگىنە قونىس اۋدارماق
ارىس. قازاقپارات - ارىس قالاسىندا سولتۇستىك وڭىرلەرگە قونىس اۋدارۋ ماسەلەسى بويىنشا «اشىق ەسىك» كۇنىن ءوتتى.
بۇل تۋرالى قازاقپارات اكىمدىكتىڭ باسپا ءسوز قىزمەتىنە سىلتەمە جاساپ حابارلايدى.
«اشىق ەسىك» كۇنىندە قالا تۇرعىندارىنا پاۆلودار وڭىرىنەن ارنايى دەلەگاتسيانى باستاپ كەلگەن شارباقتى اۋداندىق جۇمىسپەن قامتۋ ورتالىعىنىڭ ديرەكتورى گ. سمايلحانوۆا جانە گالكينا اۋىلدىق وكرۋگىنىڭ اكىمى د. نۋرسەيتوۆ ناسيحات جۇمىستارىن جۇرگىزدى.
اتاپ ايتقاندا، سولتۇستىك وڭىرلەرگە كوشكەن ازاماتتار مەن وتباسىلارعا مەملەكەت تاراپىنان كورسەتىلەتىن قولداۋلار مەن بوس ورىندار جايى ءسوز ەتىلدى. ناسيحات جۇمىستارىنىڭ ناتيجەسىندە ارىس قالاسىنان 10 وتباسى كوشۋگە نيەت ءبىلدىرىپ وتىرعاندىقتارىن جەتكىزدى.