ەلىمىزدىڭ 10 وڭىرىندە اۋا رايىنا بايلانىستى ەسكەرتۋ جاريالاندى

نۇر-سۇلتان. قازاقپارات - قازگيدرومەت 17- قىركۇيەكتە قازاقستاننىڭ ءبىرقاتار وڭىرىندە اۋا رايىنا بايلانىستى ەسكەرتۋ جاريالادى، دەپ حابارلايدى قازاقپارات.

17- قىركۇيەكتە سولتۇستىك قازاقستان وبلىسىندا وڭتۇستىك-باتىستان، باتىستان جەل سوعادى، تۇندە وبلىستىڭ سولتۇستىك-باتىسىندا ەكپىنى 15-20 م/س، كۇندىز باسىم بولىگىندە كۇشى 15-20 م/س، ەكپىنى 23-28 م/س كۇتىلەدى.

قوستاناي وبلىسىنىڭ سولتۇستىگىندە 3 گرادۋسقا دەيىن ۇسىك كۇتىلەدى. كۇندىز وبلىستىڭ وڭتۇستىگىندە نايزاعاي كۇتىلەدى. سولتۇستىك-باتىستان، باتىستان جەل سوعادى، كۇشى كۇندىز وبلىستىڭ سولتۇستىك-شىعىسىندا 15-20 م/س.

كۇندىز 17- قىركۇيەكتە ماڭعىستاۋ وبلىسىنىڭ ورتالىعىندا جانە وڭتۇستىك-شىعىسىندا، شاڭدى داۋىل كۇتىلەدى. سولتۇستىكتەن، سولتۇستىك-شىعىسىندا سوعاتىن جەل، كۇشى تۇندە ورتالىعىندا جانە وبلىستىڭ باتىسىندا، كۇندىز ورتالىعىندا جانە وبلىستىڭ وڭتۇستىك-شىعىسىندا 15-20 م/س جىلدامدىقپەن سوعادى.

قىزىلوردا وبلىسىنىڭ سولتۇستىگىندە نايزاعاي كۇتىلەدى. وڭتۇستىك-باتىستان سوعاتىن جەل سولتۇستىك-باتىسقا اۋىسادى، كۇندىز وبلىستىڭ ورتالىعىندا 15-20 م/س جىلدامدىقپەن جەل سوعادى.

پاۆلودار وبلىسىندا وڭتۇستىك-باتىستان جەل سوعادى 15-20 م / س، وبلىستىڭ وڭتۇستىگىندە جەلدىڭ جىلدامدىعى 25 م/س جەتەدى.

تۇندە 17- قىركۇيەكتە باتىس قازاقستان وبلىسىنىڭ سولتۇستىك-شىعىسىندا توپىراق بەتىندە 3 گرادۋس ۇسىك كۇتىلەدى.

نۇر-سۇلتان قالاسىندا باتىستان، وڭتۇستىك-باتىستان جەل سوعادى، ەكپىنى 15-20 م/س كۇتىلەدى.

شىعىس قازاقستان وبلىسىنىڭ باتىسىندا، سولتۇستىك-باتىسىندا نايزاعاي كۇتىلەدى. جەل وڭتۇستىك-شىعىستان وڭتۇستىك-باتىسقا اۋىسادى، وبلىستىڭ باتىسىندا، سولتۇستىك-باتىسىندا ەكپىنى 15-20 م/س.

اقمولا وبلىسىنىڭ سولتۇستىك-باتىسىندا جانە وڭتۇستىگىندە، باتىستان، وڭتۇستىك-باتىستان جەل سوعادى.

كۇندىز 17-قىركۇيەكتە قاراعاندى وبلىسىنىڭ باتىسىندا، سولتۇستىگىندە جانە ورتالىعىندا وڭتۇستىك-باتىستان جەل سوعادى، ەكپىنى 15-20 م/س جەتەدى.