+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

ەلىمىزدە لاستانۋ دەڭگەيى جوعارى 10 قالا انىقتالدى

16 قىركۇيەك 18:40
:ءبولىسۋ
ەلىمىزدە لاستانۋ دەڭگەيى جوعارى 10 قالا انىقتالدى

نۇر- سۇلتان. قازاقپارات - ەلىمىزدە اۋاسى لاس 10 قالا اتالدى. ق ر ەكولوگيا، گەولوگيا جانە تابيعي رەسۋرستار مينيسترلىگى ەكولوگيالىق رەتتەۋ جانە باقىلاۋ كوميتەتىنىڭ ءتوراعاسى زۇلفۇحار جولداسوۆ ەلىمىز بويىنشا لاستانۋ دەڭگەيى جوعارى قالالاردى اتاپ بەردى، دەپ حابارلايدى قازاقپارات ءتىلشىسى.

«مەملەكەت باسشىسى قازاقستان حالقىنا جولداۋىندا ەلىمىزدەگى ەكولوگيالىق پروبلەمالارعا، اسىرەسە اۋا ساپاسىنا باسا نازار اۋدارۋدى تاپسىردى. وسى ورايدا نەعۇرلىم لاستانعان 10 قالانى گازداندىرۋ جانە بالامالى ەنەرگيا كوزدەرىنە كوشىرۋ قاجەت. قازگيدرومەتتىڭ ەكولوگيالىق مونيتورينگىنە سايكەس، وتكەن جىلدىڭ قورىتىندىسى بويىنشا 45 ونەركاسىبى بار 10 قالا اتموسفەرالىق اۋانىڭ جوعارى لاستانۋ دەڭگەيىنە جاتاتىنى كورسەتىلدى. بۇل نۇر- سۇلتان، الماتى، قاراعاندى، تەمىرتاۋ، اتىراۋ، اقتوبە، بالقاش، وسكەمەن، جەزقازعان جانە شىمكەنت قالاسى»، - دەدى ز. جولداسوۆ و ك ق- دە وتكەن باسپا ءسوز ءماسليحاتىندا.

سونىمەن قاتار كوميتەت باسشىسى رەسپۋبليكالىق ماڭىزى بار قالالارداعى اۋانىڭ لاستانۋ سالدارىن اتاپ بەردى.

«ماسەلەن، الماتى جانە نۇر- سۇلتان قالالارىندا لاستانۋدىڭ نەگىزگى پايىزى جىلۋ كوزدەرىنە (قازاندىقتار) ، اۆتوكولىك پەن جەكە سەكتورلارعا تيەسىلى. وسكەمەن جانە تەمىرتاۋ قالاسىندا ەميسسيالاردىڭ ەڭ كوپ كولەمى ونەركاسىپكە تيەسىلى. ال اقتوبە جانە اتىراۋ قالاسى بويىنشا ەسكىرگەن كارىز جۇيەسى اۋانىڭ لاستانۋىنا اكەلىپ وتىر»، - دەيدى ول.

اۆتور: ءالي يبرايەۆ


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات