+7 (701) 759 90 19
7 °С : نۇر-سۇلتان
°С : الماتى
USD 423.91 EUR 497.37
RUB 5.82 CNY 65.59
جاڭالىقتار

كاسىپكەر الماتى وبلىسىنداعى جاعدايى تومەن وتباسىلارعا 10 ءۇي سالىپ بەردى

15 قىركۇيەك 07:45
:ءبولىسۋ
كاسىپكەر الماتى وبلىسىنداعى جاعدايى تومەن وتباسىلارعا 10 ءۇي سالىپ بەردى

تالدىقورعان. قازاقپارات - الماتى وبلىسىنداعى جامبىل اۋدانىنىڭ اقتەرەك اۋىلىندا بۇگىنگە دەيىن باسپاناعا مۇقتاج 130 وتباسىعا ءۇي سالىپ بەرگەن كاسىپكەر تاعى دا 10 جانۇياعا باسپانا سىيلادى، دەپ حابارلايدى قازاقپارات ءتىلشىسى.

كاسىپكەر تەمىرلان ءشاينۇسىپوۆ قۇرىلىسى اياقتالىپ قالعان ۇيلەردىڭ ۇشەۋىنىڭ كىلتىن ءوزى ارنايى تابىس ەتتى. جاڭا ءۇيدى كاسىپكەر جاعدايى تومەن جانە كوپبالالى وتباسىلارعا ارناپ سالعان. قونىس تويىن تويلاپ وتىرعان مولداشيەۆتار وتباسىنىڭ ايتۋىنشا، ءۇي زامان تالابىنا ساي سالىنعان.

«5 بولمەلى ءۇي زامان تالابىنا ساي، ىستىق سۋ، سۋىق سۋ كىرگىزىلگەن. اجەتحاناسى دا ءۇيدىڭ ىشىندە. ەكى بالاممەن تار ۇيىندە اكە- شەشەمەن تۇرىپ ءجۇر ەدىك. جاس وتباسى دەپ جاڭا باسپانا سىيلاپ وتىرعان قايىرىمدى جانعا العىسىمىز شەكسىز»، - دەيدى اسحات مولداشيەۆ.

ايتا كەتەيىك,12 جىلدان بەرى ءوز اۋىلداستارىنا ءۇي سالىپ جۇرگەن كاسىپكەر بيىل 50 ورىندىق «داريا» بالاباقشاسىن سالىپ، 15 ادامدى تۇراقتى جۇمىسپەن قامتىعان.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات