ەلوردالىقتارعا 10 مىڭنان استام ازىق- تۇلىك سەبەتى تاراتىلعان

None
None
نۇر- سۇلتان. قازاقپارات - تاۋەلسىزدىكتىڭ 30 جىلدىعىن مەرەكەلەۋ اياسىندا جىل باسىنان بەرى استانا تۇرعىندارىنا 10 مىڭنان استام ازىق- تۇلىك سەبەتى تاراتىلعان، دەپ حابارلايدى قازاقپارات ءتىلشىسى.

بۇل تۋرالى نۇر- سۇلتان قالاسى ىشكى ساياسات باسقارماسىنىڭ باسشىسى داۋرەن بابامۇراتوۆ اكىمدىكتىڭ ونلاين بريفينگىسىندە ايتتى.

«تاۋەلسىزدىكتىڭ 30 جىلدىعى اياسىندا نۇر- سۇلتان قالاسنىدا 300-دەن استام شارا وتكىزىلدى. بۇل شارالار 66 مىڭنان استام ادامدى قامتىپ، اتاۋلى كومەك پەن قولداۋ كورسەتىلدى.

«قايىرىمدى ىستەر مارافونى» ۇرانىمەن وتكەن شارالار اياسىندا اكىمدىك قىزمەتكەرلەرى مەن ەرىكتىلەر، قازاقستان حالقى اسسامبلەياسىنىڭ قالالىق بولىمشەسىنىڭ وكىلدەرى مەن بيزنەسمەندەر جارتى جىلدىڭ ىشىندە 10 مىڭنان استام ازىق- تۇلىك سەبەتىن تاراتتى»، - دەدى اكىمدىك وكىلى.

سونداي- اق، ول تاۋەلسىزدىڭتىگىن شاپاعاتىن تۇرعىندارىنىڭ شىنداپ سەزىنۋىنە ەرىكتىلەردىڭ ۇلكەن ۇلەس قوسىپ جۇرگەنىن اتادى.

«قىستا ۆولونتەرلەر مۇقتاج وتباسىلاردىڭ اۋلاسىن قاردان ارشىپ، ءدارى- دارمەك اكەپ بەرۋگە كومەكتەستى. مىسالى، «قايىرىمدى ىستەر مارافونى» اياسىندا 8 -ناۋرىز مەرەكەسى قارساڭىندا اكىمدىكتىڭ باستاماسىمەن 2 مىڭنان استام ازىق- تۇلىك سەبەتى ۇلەستىرىلدى. ول كومەكتى ەگدە ادامدار، 1، 2، 3 -توپتاعى مۇمكىندىگى شەكتەۋلى جاندار، جالعىز ىلىكتى انالار، كوپبالالى انالار الدى. بۇل مارافون جىلدىڭ اياعىنا دەيىن جالعاسادى. ونى ارنايى ايتىپ وتىرعان سەبەبىمىز، 30 جىلدىق اياسىنداعى قايىرىمدى ىستەرگە تاعى دا دەمەۋشىلەر تارتىپ، تەك ازىق- تۇلىك سەبەتىن تاراتۋمەن شەكتەلمەي، جالپى مۇتاج وتباسىلارعا جان- جاقتى كومەك سورسەتكىمىز كەلەدى»، - دەدى داۋرەن بابامۇراتوۆ.

اۆتور: ەسىمجان ناقتىباي


سوڭعى جاڭالىقتار