اقمولا وبلىسىندا جەرگە تالاسقان ايەل كورشىسىنىڭ 10 توننا ءشوبىن ورتتەپ جىبەردى
وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، ماۋسىمنىڭ 12-دە سەلينوگراد اۋداندىق پ ب كەزەكشىلىك بولىمىنە 60 جاستاعى ايەل حابارلاسىپ، اۋىل تۇرعىندارىنىڭ ءبىرى، ءشوبىن ورتەپ جىبەرگەنىن ايتقان.
«وقيعا ورنىنا جەتكەن پوليتسيا قىزمەتكەرلەرى زارداپ شەككەن ايەلدىڭ كورشىسى ماس كۇيىندە ونىڭ ءۇي اۋلاسىندا ۇيىلگەن 10 توننا ءشوبىن ورتەپ جىبەرگەنىن انىقتادى. كۇدىكتى 20 جاستاعى ايەلدىڭ ايتۋىنشا، جابىرلەنۋشى مەن ونىڭ ۇيلەرىنىڭ اراسىنداعى جەر ۋچاسكەسىنە (ورتەنگەن ءشوپ ۇيىلگەن جەر) قاتىستى داۋ تۋىنداعان. وسىعان بايلانىستى ول كورشىسىنىڭ 10 توننا ءشوبىن ورتەپ جىبەرگەن»، - دەدى ۆەدومستۆودان.
قازىرگى كەزدە، وسى وقيعاعا بايلانىستى قىلمىستىق كودەكستىڭ 202 بابىنىڭ 2- بولىگى «بوتەننىڭ مۇلكىن قاساقانا جويۋ نەمەسە ءبۇلدىرۋ» بويىنشا ءىس قوزعالىپ، سوتقا دەيىنگى تەرگەۋ شارالارى جۇرگىزىلۋدە.
اۆتور: اسلان وسپانوۆ