اقمولا وبلىسىندا 10 جاسار بالانى پويىز قاعىپ، مەرت قىلدى
ەرەيمەنتاۋ اۋدانى اكىمىنىڭ ورىنباسارى باتتال ىبرايەۆتىڭ ايتۋىنشا، قايعىلى وقيعا دەمالىس كۇنى، 10- مامىردا بولعان. تەمىرجول بالا تۇراتىن ۇيگە جاقىن ورنالاسقان.
«وقيعاعا بايلانىستى تەرگەۋ شارالارى جۇرگىزىلىپ جاتىر. 4-سىنىپ وقۋشىسى تەمىرجولدىڭ رۇقسات ەتىلمەگەن جەرىنەن وتپەك بولعان. ول جەردە بەلگىلەنگەن تەمىرجول وتپەسى جوق. ودان ءارى كوپىر بار، اۆتوبۋستار جۇرەدى. بالا، وكىنىشكە وراي، وسى ۋاقىتتا ەرەسەكتەردىڭ قاداعالاۋىنسىز بولعان»، - دەپ ءتۇسىندىردى ب. ىبرايەۆ.
سونىمەن قاتار، كولىكتەگى پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، اتالعان فاكتى ق ر ق ك- ءنىڭ 344-بابى 2-بولىگىمەن نۇر- سۇلتان ستانسياسىنداعى جەلىلىك پوليتسيا باسقارماسىنىڭ سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى.
«تەرگەۋ جۇرگىزىلۋدە. وزگە اقپارات ق ر قىلمىستىق ءىس جۇرگىزۋ كودەكسىنىڭ 201-بابىنىڭ تالاپتارىنا سايكەس جاريا ەتىلمەيدى»، - دەپ تولىقتىردى ۆەدومستۆودان.
اۆتور: اسلان وسپانوۆ