+7 (701) 759 90 19
13 °С : نۇر-سۇلتان
25 °С : الماتى
USD 426.77 EUR 509.95
RUB 5.89 CNY 66.34
جاڭالىقتار

قازاقپارات كۇنتىزبەسى: 10- مامىر

10 مامىر 07:53
:ءبولىسۋ
قازاقپارات كۇنتىزبەسى: 10- مامىر

نۇر-سۇلتان. قازاقپارات - قازاقپارات وقىرماندارعا 2021-جىلعى 10- مامىرعا ارنالعان كۇنتىزبەنى ۇسىنادى.

ەستە قالار وقيعالار

1936-جىلى ماسكەۋدە قازاق ادەبيەتى مەن ونەرىنىڭ ءبىرىنشى ونكۇندىگى ءوتتى.

1997 -جىلى ق ر پرەزيدەنتى نۇرسۇلتان نازاربايەۆقا «سابين مەتالل كورپورەيشن» (ا ق ش) كورپوراتسياسى زاۋىتىنداعى قازاقستاندىق شيكىزاتتان قورىتىلعان پلاتينا قۇيمالارى ۇسىنىلدى.

اتالمىش كومپانيا قۇندى مەتاللدىڭ وسى ءتۇرىن وندىرەتىن الەمدەگى ءۇش ءوندىرىس وشاعىنىڭ ءبىرى سانالادى. تازالىعى 99,95، جالپى سالماعى 14 كەلى بولاتىن قۇيمالار قازاقستان رەسپۋبليكاسىنىڭ مەملەكەتتىك قويماسىنا وتكىزىلدى.

1998 -جىلى الماتىدا ەكونوميكالىق ىنتىماقتاستىق ۇيىمىنىڭ (ە ى ۇ) V سامميتى ءوتتى. سامميتتە كولىك جانە كوممۋنيكاتسيا، اۋىل شارۋاشىلىعى، ەكولوگيا جانە قورشاعان ورتانى قورعاۋ سالاسىنداعى ىنتىماقتاستىقتى دامىتۋدىڭ باستى باعىتتارى انىقتالعان. ەكونوميكالىق ىنتىماقتاستىق ۇيىمىنىڭ الماتى دەكلاراتسياسى قابىلداندى.

2000 -جىلى ليتۆا رەسپۋبليكاسىنىڭ پرەزيدەنتى ۆالداس ادامكۋس قازاقستانعا جاساعان مەملەكەتتىك ساپارى كەزىندە ليتۆا مەن قازاقستان اراسىنداعى مەملەكەتارالىق قاتىناستاردىڭ دامۋىنا قوسقان ۇلەسى ءۇشىن قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆقا ۇلى كنياز ۆيتاۋتاس وردەنىن (1-سىنىپتى) تابىس ەتتى.

2001-جىلى استانادا قازاقتىڭ حانى كەنەسارى قاسىم ۇلىنا ەسكەرتكىش ورناتىلدى. تۋىندىنىڭ اۆتورلارى - ءمۇسىنشى نۇرلان دالباي، ساۋلەتشى شوتا ءۋاليحانوۆ، ينجەنەر ءابدىساعيت ءتاتىعۇلوۆ جانە شەبەر ۆالەري كونيۋحوۆ. ەسكەرتكىشىڭ بيىكتىگى 7 مەتر، سالماعى 10 توننا.

كەنەسارى حان - ابىلايحاننىڭ نەمەرەسى، قازاقتىڭ سوڭعى حانى، قوقان، حيۋا، رەسەيگە قارسى سوعىسىپ، ۇلان بايتاق جەردى امان الىپ قالۋ جولىندا اياناي كۇرەسكەن باتىر.

2013-جىلى قازاقستان پرەزيدەنتى نۇرسۇلتان نازاربايەۆ پەن تۇرىكمەنستان باسشىسى گۋربانگۋلى بەردىمۋحامەدوۆ اقورداداعى كەلىسسوزدەر بارىسىندا اقتاۋدا تۇرىكمەنستاننىڭ جانە تۇرىكمەنباشىدا - قازاقستان كونسۋلدىعىن اشۋ تۋرالى كەلىسىم جاساستى.

2014 -جىلى حاركوۆ وبلىسى كراسنوگراد قالاسىندا 106 اقمولا كاۆالەريا ديۆيزياسى جاۋىنگەرلەرىنە ارنالعان ەستەلىك ستەلاسىنىڭ سالتاناتتى اشىلۋى ءوتتى. وندا «106 قازاق كاۆالەريا ديۆيزياسىنىڭ قاھارمان جاۋىنگەرلەرىنە ريزا قازاقستاندىقتاردان» دەگەن جازۋ ويىلىپ جازىلعان.

2017 -جىلى يشتۆان سەچەني اتىنداعى ماجارستان ۇلتتىق كىتاپحاناسى جانىنداعى قازاقستاندىق ادەبيەت جانە مادەنيەت ورتالىعىندا بەلگىلى قازاق جازۋشىسى نەمات كەلىمبەتوۆتىڭ «ءۇمىت ۇزگىم كەلمەيدى» كىتابىنىڭ تۇساۋكەسەرى ءوتتى. نەمات كەلىمبەتوۆتىڭ «ءۇمىت ۇزگىم كەلمەيدى» كىتابى الەمنىڭ 19 تىلىنە، ونىڭ ىشىندە ماجار تىلىنە اۋدارىلعان.

كىتاپ ەۋروپاداعى ەڭ بەدەلدى ادەبي سىيلىقتاردىڭ ءبىرى - فرانتس كافكا اتىنداعى حالىقارالىق سىيلىققا لايىق دەپ تانىلدى.

2017 -جىلى «ماڭگىلىك ەل» سالتانات قاقپاسىندا پانورامالى بينوكلمەن جابدىقتالعان قاراۋ الاڭى اشىلدى. ول 21,5 مەتر بيىكتىكتە ورنالاسقان.

2018 -جىلى استانادا سولتۇستىك جانە وڭتۇستىك ارالعا «QazaqGeograph» عىلىمي-تانىمدىق ەكسپەديتسياسى باستالدى. ساپار قازاقستان جانە وزبەكستان اۋماعى بويىنشا 7000 شاقىرىمدى قامتىدى جانە كەلەسى باعىتتار بويىنشا ءوتتى: استانا - قاراعاندى - بالقاش - شۋ - تاراز - شىمكەنت - تاشكەنت - سامارقاند - بۇحار - ءۇرىمجى - نۇكىس - مويناق - ارال تەڭىزى - بەينەۋ - بوزوي - ارال تەڭىزى - ارال - قىزىلوردا - جەزقازعان - قاراعاندى - استانا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات