قازاقستان ينتەرنەتى ەڭ ارزان 10 مەملەكەتتىڭ قاتارىنا كىردى
ينتەرنەتى بار ۇيالى بايلانىس ابونەنتتەرىنىڭ سانى ەلىمىزدىڭ 100 تۇرعىنىنا شاققاندا 85 بىرلىكتى قۇرادى، بۇل بارلىق ۋاقىتتاعى ەڭ ۇزدىك ءمان، دەپ حابارلايدى قازاقپارات Ranking.kz سايتىنا سىلتەمە جاساپ.
ەلىمىزدە تىركەلگەن ينتەرنەت ابونەنتتەرىنىڭ سانى ءبىر جىلدا %5,1 عا، 2,6 ميلليون ابونەنتكە دەيىن ارتتى. وسىلايشا، بارلىق سەگمەنتتەردە ينتەرنەت جەلىسىن پايدالانۋشىلار سانىنىڭ ايتارلىقتاي ءوسۋى بايقالادى. بۇگىنگى تاڭدا قازاقستان حالقىن ينتەرنەتپەن قامتۋ %99 قۇرايدى. قازاقستانداعى ءموبيلدى ينتەرنەتكە تاريفتەر سالىستىرمالى تۇردە جوعارى ەمەس.
الەمدىك رەيتينگتە قازاقستان ينتەرنەتى ەڭ ارزان 10 ەلدىڭ قاتارىنا كىرەدى. 2020 -جىلى ەلىمىز بارلىق دامىعان مەملەكەتتەردەن وزىپ، الەمدە 6-ورىنعا يە بولدى. ەلدەگى 1 گيگابايت ينتەرنەت ءۇشىن ورتاشا ەسەپپەن 0,46 ا ق ش دوللارى تولەنەدى.
رەيتينگتە بارلىعى 228 ەلدىڭ باعالارى زەرتتەلدى. ەگەر قازاقستاندا 20 گيگابايت ينتەرنەت ءۇشىن ەل تۇرعىنى ورتاشا ەسەپپەن 9,2 ا ق ش دوللارىن (3840,4 تەڭگە) تولەسە، كورشى رەسەيدە - 10,3 ا ق ش دوللارىن (4299,6 تەڭگە)، ۇلى بريتانيادا - 27,9 دوللاردى (11646,5 تەڭگە)، گەرمانيادا - 81,2 دوللاردى (33895,9 تەڭگە)، ا ق ش- تا - 160 دوللاردى (66789,8 تەڭگە)، شۆەيتساريادا - 167,5 دوللاردى (69920,7 تەڭگە)، گرەكيادا 241,3 دوللار (100727,5 تەڭگە) تولەيدى.
2020 -جىلى ينتەرنەت كوممۋنيكاتسيانىڭ نەگىزگى قۇرالىنا اينالدى، ينتەرنەت قىزمەتتەرىنە سۇرانىس پەن جەلىگە قولجەتىمدىلىك ايتارلىقتاي ءوستى. قازاقستانداعى ترافيكتىڭ ءوسۋى وپەراتورلاردىڭ دەرەكتەرى بويىنشاTele2 عا % 34 دان %63 عا (Beeline) دەيىن قۇرادى. باعالار وسى مانگە كوتەرىلۋى مۇمكىن دەپ بولجاۋ قيسىندى، ءبىراق بۇل بولعان جوق. جالپى، ينتەرنەتكە قول جەتكىزۋ قۇنى ەلدىڭ اۋقىمىنا (اۋدانىنا) تىكەلەي پروپورتسيونالدى.
ياعني ەلدىڭ گەوگرافيالىق اۋقىمى نەعۇرلىم زور بولسا، بۇكىل اۋماقتى قامتاماسىز ەتۋ سوعۇرلىم قىمباتقا تۇسەدى جانە سايكەسىنشە پايدالانۋشىلار ءۇشىن ينتەرنەتتىڭ قۇنى سوعۇرلىم جوعارى بولۋى كەرەك. قازاقستانداعى جاعداي باسقاشا: ەلدىڭ وسىنداي ۇلكەن اۋماعىنا شاققاندا ينۆەستيتسيا وتە كوپ، ابونەنتتەر ءۇشىن تۇپكىلىكتى باعا تومەن.
جەلىنى سالۋ كەزىندە پايدالانىلاتىن جابدىق شەتەلدە وندىرىلەدى، بۇل قازاقستاندىق ۆاليۋتانىڭ ءاربىر ديەۆالۆاتسياسىمەن تەلەكوم- يندۋستريا ءۇشىن ودان دا قىمبات بولادى دەگەندى بىلدىرەدى. ەستەرىڭىزگە سالا كەتەيىك، 2020 -جىلى اقپارات جانە بايلانىس سالاسىنا بارلىق ۋاقىتتا ينۆەستيسيالاردىڭ ەڭ كوپ كولەمى باعىتتالدى: 140,9 ميلليارد تەڭگە - 2019 -جىلمەن سالىستىرعاندا %37,2 عا ارتىق. تىكەلەي ۇيالى بايلانىس وپەراتورلارى دا كۇردەلى شىعىنداردى كوبەيتتى. كۇردەلى شىعىنداردىڭ ەڭ كوپ كولەمى (CAPEX) Beeline-دا بايقالادى: 2020 -جىلدىڭ قورىتىندىسى بويىنشا سوما 61,2 ميلليارد تەڭگەنى قۇرادى.
بۇل وتكەن جىلمەن سالىستىرعاندا %32,5 عا ارتىق. ءوز كەزەگىندە، Kcell-دە كۇردەلى شىعىستار 26,8 ميلليارد تەڭگەگە دەيىن ءوستى (ءبىر جىل بۇرىن-20,2 ميلليارد تەڭگە). ۇيالى بايلانىس وپەراتورلارىنىڭ ينۆەستيتسيالارى نەگىزگى وندىرىستىك قۇرالدار مەن جابدىقتارعا، سونداي-اق باعدارلامالىق جاساقتاما مەن ليتسەنزيالارعا باعىتتالعان.