قازاقستانعا ەڭ كوپ ينۆەستيسيا سالعان 10 مەملەكەت - زەرتتەۋ

None
None
نۇر-سۇلتان. قازاقپارات - Ranking.kz اقپارات كوزى قازاقستانعا ينۆەستيسيا سالاتىن مەملەكەتتەردىڭ وندىعىن ۇسىندى.

ۇلتتىق بانكتىڭ مالىمەتىن نەگىزگە العان اقپارات كوزى سونىمەن قاتار 2020 -جىلى قازاقستانعا ەكى مىڭنان استام جاڭا شەتەلدىك كومپانيا كىرگەنىن جاريا ەتتى، دەپ حابارلايدى قازاقپارات ءتىلشىسى.

«2020 -جىلدىڭ ءبىرىنشى جارتىجىلدىعىندا كوروناۆيرۋس پاندەمياسىنىڭ ەكونوميكالىق اسەرىنە بايلانىستى الەمدە تىكەلەي شەتەلدىك ينۆەستيسيالار (ت ش ي) 2019 -جىلدىڭ ءبىرىنشى جارتىسىمەن سالىستىرعاندا %49 عا تومەندەدى. تىكەلەي شەتەلدىك ينۆەستيسيالاردىڭ بارلىق نەگىزگى ءتۇرى قىقسارعانىن اتاپ ءوتۋ كەرەك. دۇنيە ءجۇزى بويىنشا ەنىزىلگەن شەكتەۋ شارالارى قولدانىستاعى ينۆەستيسيالىق جوبالاردىڭ جۇمىسىن تەجەدى، ال اۋقىمدى رەتسەسسيا ترانسۇلتتىق كورپوراتسيالارعا جاڭا جوبالاردى قايتا قاراۋعا ءماجبۇر ەتتى. قۇلدىراۋدىڭ ەڭ ۇلكەن دەڭگەيى دامىعان ەلدەردە بايقالدى، وندا شەتەلدىك تىكەلەي ينۆەستيسيالار اعىنى %75 عا تومەندەدى. ءوز كەزەگىندە دامۋشى ەلدەردە ينۆەستيسيالار اعىنى %12 عا عانا ازايعان. جالپى 2020 -جىلى ت ش ي-دىڭ جاھاندىق اعىندارىنىڭ تومەندەۋى %30-40 ارالىعىندا بولاتىنى بولجانۋدا»، - دەلىنگەن زەرتتەۋدە.

داعدارىستىڭ جاعىمسىز سالدارى قازاقستاندى اينالىپ وتكەن جوق. وبەكتيۆتى سەبەپتەرگە بايلانىستى 2020 -جىلدىڭ 9 ايىندا قازاقستانعا شەتەلدىك تىكەلەي ينۆەستيسيانىڭ جالپى اعىنى ءبىر جىل ىشىندە %32,2 تومەندەپ، 12,6 ميلليارد ا ق ش دوللارىن قۇراعان. قىسقارۋ كورسەتكىشى نەگىزىنەن ەكونوميكانىڭ تاۋ- كەن سەكتورىنا شەتەلدىك ينۆەستيسيا اعىنىنىڭ نەگىزگى بولىگىن قۇرايتىن ت ش ي اعىندارىنىڭ تومەندەۋىنە بايلانىستى بولىپ وتىر. بۇل سالادا ت ش ي اعىنى % 42,1 عا نەمەسە 4,5 ميلليارد ا ق ش دوللارىنا ازايعان.

«الەمدىك داعدارىسقا قاراماستان قازاقستان شەتەلدىك ينۆەستيسيالار ءۇشىن تارتىمدى ەل بولىپ وتىر. ايماقتاعى شەتەلدىك ينۆەستيسيالار اعىنى بويىنشا ءسوزسىز كوشباسشى. تاۋەلسىزدىك جىلدارى ىشىندە قازاقستانعا ت ش ي اعىنى شامامەن 350 ميلليارد ا ق ش دوللارىن قۇرادى. كەيىنگى بەس جىلدا قازاقستان جىل سايىن ورتا ەسەپپەن 21,3 ميلليارد دوللارعا جۋىق تىكەلەي شەتەلدىك ينۆەستيسيا تارتتى. بۇكىل الەمدە كارانتين شارالارى كۇشەيتىلىپ، ءوندىرىس توقتاتىلعان كەزدە قازاقستان ۇكىمەتى جوبالاردىڭ توقتاپ قالۋىنا جول بەرمەي، جاڭا ينۆەستورلاردى تارتۋ جاعىنان ۋاقتىلى شارالاردى قابىلدادى. وسىلايشا، 2020 -جىلى 3800 دەن استام جۇمىس ورنىن قۇرا وتىرىپ، جالپى قۇنى 1,3 ميلليارد ا ق ش دوللارىنا 25 ءىرى ينۆەستيسيالىق نىسان پايدالانۋعا بەرىلدى»، - دەيدى Ranking.

زەرتتەۋ مالىمەتتەرىنە سايكەس، قازاقستانعا ينۆەستيسيا سالاتىن مەملەكەتتەردىڭ وندىعىن نيدەرلاندى، ا ق ش، شۆەيتساريا، رەسەي، ۇلى بريتانيا، بەلگيا، فرانسيا، قىتاي، وڭتۇستىك كورەيا مەن كيپر قۇرايدى.


اۆتور: ايان بەكەن ۇلى

سوڭعى جاڭالىقتار