ب ع م قازاقستانداعى رەيتينگى ەڭ تومەن 10 ۋنيۆەرسيتەتتى اتادى
«اۋتسايدەر دەگەنىمىز - ەڭ تومەنگى ورىنداردا تۇرعان جوعارى وقۋ ورىندارى. بيىل سوڭعى وندىقتىڭ ىشىندە سىرداريا ۋنيۆەرسيتەتى، شىمكەنت ۋنيۆەرسيتەتى، حالىقارالىق گۋمانيتارلىق- تەحنيكالىق ۋنيۆەرسيتەتى، استانا ۋنيۆەرسيتەتى، تاراز يننوۆاتسيالىق- گۋمانيتارلىق ۋنيۆەرسيتەتى، اكادەميك قۋاتبەكوۆ اتىنداعى حالىقتار دوستىعى ۋنيۆەرسيتەتى، شەت تىلدەر جانە ىسكەرلىك كارەرا ۋنيۆەرسيتەتى، قازاق- ورىس حالىقارالىق ۋنيۆەرسيتەتى، بولاشاق ۋنيۆەرسيتەتى ( قىزىلوردا)، اقمەشىت گۋمانيتارلىق- تەحنيكالىق ينستيتۋتى»، - دەدى گۇلزات كوبەنوۆا ءبىلىم جانە عىلىم مينيسترلىگىنىڭ ونلاين وتىرىسىندا.
ونىڭ ايتۋىنشا بۇل ۋنيۆەرسيتەتتەردە جۇمىس بەرۋشىلەرمەن بىرگە ءبىلىم بەرۋ باعدارلاماسى قۇرىلماعان. وسىنىڭ سالدارىنان قاجەتتى قۇزىرەتتەر جوق. بۇل ۋنيۆەرسيتەتتەردىڭ تۇلەكتەرىنە سۇرانىس از. وسى وقۋ ورىندارىنان شىققان تۇلەكتەردىڭ جۇمىس ورنالاسۋى قيىنداۋ بولىپ وتىر.
اۆتور: ايان بەكەن ۇلى