+7 (701) 759 90 19
-5 °С : نۇر-سۇلتان
4 °С : الماتى
USD 420.32 EUR 509.34
RUB 5.7 CNY 64.85
جاڭالىقتار

«قازاقستان مۇعالىمى» ۇلتتىق سىيلىعىنىڭ 10 لاۋرەاتى انىقتالدى

26 قاراشا 20:44
:ءبولىسۋ
«قازاقستان مۇعالىمى» ۇلتتىق سىيلىعىنىڭ 10 لاۋرەاتى انىقتالدى

الماتى. قازاقپارات - الماتىدا «قازاقستان مۇعالىمى 2020» ۇلتتىق سىيلىعىنىڭ 10 لاۋرەاتى انىقتالدى. باس جۇلدەنى - نۇر- سۇلتان قالاسىنداعى «ن ز م» فيليالىنىڭ حيميا ءپانى ءمۇعالىمى دينارا بەيسەمبايەۆا جەڭىپ الدى، دەپ حابارلايدى قازاقپارات ءتىلشىسى.

دينارا بەيسەمبايەۆا — حيميا ءپانىنىڭ مۇعالىمى، ەكولوگيا ماگيسترى، «راسشيرەننوە ەسسە» جەتەكشىسى، عىلىمي ماقالالار مەن باسىلىمداردىڭ اۆتورى، دارىندى بالالاردىڭ ءبىلىم الۋ قاجەتتىلىكتەرىنە ارنالعان باعدارلامانىڭ جاساۋشىلارىنىڭ ءبىرى. ونىڭ وقۋشىلارى عىلىمي سايىستاردىڭ جانە حالىقارالىق وليمپيادالاردىڭ جەڭىمپازدارى مەن جۇلدەگەرلەرى.

10 لاۋرەات قازاقستاننىڭ اتىنان جۇلدە قورى 1 ميلليون ا ق ش دوللارىن قۇرايتىن «الەم مۇعالىمى-2021» جاھاندىق سىيلىعىنا (Global Teacher Prize 2021) نوميناتسيالاناتىن بولادى. ولاردىڭ قاتارىندا سىيلىق جەڭىمپازى — دينارا بەيسەمبايەۆا، جانە 9 فينالعا قاتىسۋشىلار بار. اتاپ ايتار بولساق:

- ولگا كيم — قاراعاندى قالاسى، № 27 ورتا مەكتەبىنىڭ باستاۋىش سىنىپ مۇعالىمى، ەرەكشە ءبىلىم الۋ قاجەتتىلىكتەرى بار بالالاردىڭ ءتىل دامىتۋ مامانى؛

- ەرجان ءجۇمادىلوۆ — تاراز قالاسى، دارىندى ەر بالالارعا ارنالعان «ءبىلىم يننوۆاتسيا» مامانداندىرىلعان ليتسەي- ينتەرناتىنىڭ فيزيكا ءپانىنىڭ ءمۇعالىمى؛

- الما ماحانوۆا — الماتى وبلىسى، جامبىل اۋدانى، قارعالى اۋىلى باستاۋىش سىنىپ مۇعالىمى؛

- دينا قۇدابايەۆا — قىزىلجار قالاسى، «نازاربايەۆ زياتكەرلىك مەكتەبى» فيليالىنىڭ فيزيكا ءپانىنىڭ ءمۇعالىمى؛

- ارنۋر قازىبەكوۆ — نۇر- سۇلتان قالاسى، NURORDA مەكتەپ- ليتسەيىنىڭ فيزيكا ءپانىنىڭ مۇعالىمى؛

- مەيرامگۋل جاناسپايەۆا — سەمەي قالاسى، № 3 جالپى ورتا ءبىلىم بەرۋ مەكتەپ- كەشەنىندە ورىس ءتىلى جانە ادەبيەت مۇعالىمى؛

- ەلەنا ۆارگانوۆا — تەمىرتاۋ قالاسى، № 16 جالپى ورتا ءبىلىم بەرۋ مەكتەبىندە ەكولوگيا جانە ءوزىن- ءوزى تانۋ ءپانىنىڭ مۇعالىمى؛

- جانار جاقسىلىقوۆا — پاۆلودار قالاسى، № 16 مەكتەپ- ليتسەيىندە باستاۋىش سىنىپمۇعالىمى؛

- گۇلنار جاقىپوۆا — نۇر- سۇلتان قالاسى، «رەسپۋبليكالىق فيزيكا- ماتەماتيكا مەكتەبىنىڭ» ماتەماتيكا مۇعالىمى.

2019 -جىلى قوعامدىق ماڭىزى بار باستامالاردى دامىتۋ قورى Global Teacher Prize جاھاندىق سىيلىعىنىڭ رەسمي وكىلى اتانىپ، 4000000 تەڭگە جۇلدە قورى تاعايىندالعان «قازاقستان مۇعالىمى» ۇلتتىق سىيلىعىن باستادى.

بايقاۋدىڭ ماقساتى - وزىق مۇعالىمدەردى انىقتاۋ، قولداۋ جانە كوتەرمەلەۋ، سونداي- اق ەلىمىزدە پەداگوگ ەڭبەگىنىڭ بەدەلىن ارتتىرۋ. «قازاقستان مۇعالىمى-2020» ۇلتتىق سىيلىعىنا ەڭبەك ءوتىلى ءۇش جىلدان كەم ەمەس، كەز- كەلگەن باستاۋىش جانە ورتا ءبىلىم بەرۋ (ورتا مەكتەپتەر، گيمنازيالار، ليتسەيلەر) پەداگوگتارى قاتىسۋعا مۇمكىندىك الدى.



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات