الاڭداۋدان ارىلىپ ءومىر ءسۇرۋدى قالاي باستايمىز: دەيل كارنەگيدىڭ كىتابىنان 10 كەڭەس

None
None
نۇر-سۇلتان. قازاقپارات - ەموتسيا، سترەسس، تولقۋ، الاڭداۋ. ادام ءومىرىنىڭ اجىراماس بولىگىنە اينالعان 4 پروتسەسس.

قازىرگى تاڭدا دەپرەسسياعا تۇسپەيتىن، ەموتسياسىن جاسىرا الاتىن ادامدى كەزدەستىرۋ قيىن. كۇندەلىكتى ءومىرىمىز پسيحيكالىق قىسىمدارعا تولى بولعانىمەن، ديسترۋكتيۆتى كوڭىل- كۇي قالىپتى جاعدايعا اينالۋدا.

الاڭداۋدان ارىلۋ تۋرالى بەستسەللەر بولا العان ساپالى كىتاپتار كوپ. دەگەنمەن، قوعام پىكىرىن وزگەرتۋگە نيەت ەتكەن، كومەكتەسۋگە شىنايى ىقىلاسى بار جازۋشىلار از.

دەيل كارنەگي- الەمگە ايگىلى امەريكاندىق پسيحولوگ، پەداگوگ، جازۋشى. جانجالسىز قارىم- قاتىناس قاعيدالارى مەن شەشەندىك ونەر تۋرالى جازىلعان ەڭبەكتەرى ەرەكشە ماقتاۋعا تۇرارلىق.

1. تەمىر ەسىكتەر

اۆتوردىڭ پىكىرىنشە، مازاسىزدىقتى جويۋ ءۇشىن وتكەن مەن بولاشاقتى اجىراتا ءبىلۋ كەرەك. كارنەگي ولاردىڭ اراسىنا «تەمىر ەسىكتەر» ورناتۋدى ۇسىنادى. وتكەنگە وكىنىپ، بولاشاققا الاڭداماۋ ءۇشىن بۇگىنگى كۇنمەن ءومىر ءسۇرۋ كەرەك. وكىنىش پەن ءۇمىت- مازاسىزدىقتىڭ باستى وبەكتىسى.

2. سيقىرلى فورمۋلا

امەريكاندىق ونەرتاپقىش ۋيلليس كارەردىڭ سيقىرلى فورمۋلاسى:

1. «ومىرىمدە ەڭ جامان جاعداي ورىن السا نە ىستەيمىن؟»، - دەپ سۇراق قويىڭىز.

2.قيىندىقتان شىعۋ جولىن ويلاستىرىڭىز.

3.سۇراعىڭىزعا جاۋاپ رەتىندە ءۇش نۇسقانى قاعازعا جازىپ، ءبىرىن تاڭداڭىز.

3. Memento-mori

مازاسىز ادامدار ۇزاق ءومىر سۇرمەيدى. كەز- كەلگەن نارسەگە الاڭداي بەرسەك، دەنساۋلىعىمىز زاپا شەگەدى. اتىن اتاۋعا قورقاتىن جامان اۋرۋ دا (قاتەرلى ىسىك) شەكتەن تىس ۋايىمداعاننان پايدا بولادى. اسىرەسە بيزنەسمەندەر مەن ىسكەر ادامداردىڭ بويىندا قوبالجۋ سەزىمى باسىم كەلەدى. كارنەگي: «از الاڭداپ، كوپ ءومىر ءسۇر.»

4. پوزيتيۆتى ويلاۋ

سانامىز نەگاتيۆتى ويلارعا تولى. شىرماۋدان شىعاتىن جالعىز جول- باقىتتى ساتتەرىڭدى ەسكە ءتۇسىرۋ. پوزيتيۆكە قانشالىقتى جاقىن بولساق، نەگاتيۆ بىزدەن قورقادى.

5. بەلسەندىلىك

مازاسىزدانۋىمىزدىڭ باستى سەبەبى- نازارىمىزدى اۋدارتاتىن جۇمىستىڭ بولماۋى. ەگەر ادام كۇنى بويى ەشتەڭە ىستەمەسە جادىمىز اۆتوماتتى تۇردە جايسىز ويلارعا ەرىك بەرەدى. ينتەنسيۆتى قابىلەتىمىزدى ارتتىرىپ مازاسىزدىقتىڭ الدىن الۋىمىز كەرەك.

6. ادەتتى وزگەرتۋ

مازاسىزدىق- ادەتكە جاتادى. جامان ادەتتەن ارىلۋ ءۇشىن ونى جاقسى ادەتكە الماستىرۋ جەتىپ جاتىر. كىشىگىرىم قيىندىقتار مەن ۇساق- تۇيەككە الاڭداۋدى دوعارساڭىز، دەمەك بۇل بويىڭىزدا قالىپتاسىپ جاتقان جاڭا ادەتتىڭ بەلگىلەرى.

7. ىقتيمالدىلىق تەورياسى

ءسىز «ۇلكەن ساندار زاڭى» تۋرالى بىلەسىز بە؟ ەستىمەسەڭىز ينتەرنەتتەن وقىپ شىعىڭىز. ساندار زاڭى قيىنشىلىقتاردى جويۋعا ارنالعان قولايلى ءادىس ءتۇرى.

8. ءسوزسىز شەشىم

قاندايدا ءبىر جاعدايدى وزگەرتۋگە، تۇزەتۋگە شاماڭىز جەتپەسە، دەمەك: «بۇل ءىس سولاي بولۋى كەرەك»، - دەپ ءوزىڭىز ىشتەي شەشىم قابىلداڭىز.

9. شەكتەۋىش

ۋايىمىمىزعا باقىلاۋ جاساۋ ءۇشىن ءوزىڭىزدىڭ الاڭداۋشىلىق دەڭگەيىڭىزدى رەتتەيتىن «شەكتەۋىش» ورناتۋىڭىز كەرەك. شەكتەۋىش دەگەنىمىز- وقيعاعا بايلانىستى قانشالىقتى ۋايىمداۋ كەرەكتىگىن انىقتاۋ. ونى تالاپقا اينالدىرا ءبىلىڭىز. ۋايىمىڭىز شەكتەن شىقپاسىن.

10. قىزىعۋشىلىق

ادام وزىنە تىم كوپ كوڭىل اۋدارعاندى جاقسى كورەدى. مازاسىزدىقتىڭ ەمى دە وسى. ونى بەيتاراپتاندىرۋ ءۇشىن اينالاڭىزداعى ادامدارعا كوبىرەك قىزۋعىشىلىق تانىتىڭىز.

كارنەگيدىڭ كەڭەستەرىن قولدانۋ وڭاي. سەبەبى بۇل ايتىلعان دۇنيەلەر جادىڭىزدا بۇرىننان بار. تەك كەرەگى نيەت.


سوڭعى جاڭالىقتار