+7 (701) 759 90 19
2 °С : نۇر-سۇلتان
9 °С : الماتى
USD 428.05 EUR 501.2
RUB 5.47 CNY 63.87
جاڭالىقتار

قازاقستاندا تەمەكى ونىمدەرىنىڭ ءوندىرىسى ءبىر جىلدا 10 پايىزعا ارتتى

28 قىركۇيەك 18:56
:ءبولىسۋ
قازاقستاندا تەمەكى ونىمدەرىنىڭ ءوندىرىسى ءبىر جىلدا  10 پايىزعا ارتتى

نۇر- سۇلتان. قازاقپارات - تەمەكى ءبىر جىلدا % 13- عا قىمباتتادى. 1- قازاننان باستاپ تەمەكى بۇيىمدارىن ساتۋعا جاڭا ەرەجەلەر قويىلادى، دەپ حابارلايدى قازاقپارات energyprom.kz پورتالىنا سىلتەمە جاساپ.

قازاقستاندا قىركۇيەكتىڭ باسىندا ءبىر قوراپ تەمەكىنىڭ بولشەك ساۋداداعى قۇنى 489 تەڭگەنى قۇرادى، جىلىنا % 12,7- عا ارتتى. تەمەكى اقتوبە (534 ت گ)، نۇر- سۇلتان (521 ت گ) جانە تاراز (506 ت گ) قالالارىندا باسقالارمەن سالىستىرعاندا قىمبات. تەمەكىنى ەڭ ارزان ساتاتىن قالالاردىڭ ۇشتىگىندە پەتروپاۆل (468 ت گ)، قىزىلوردا (471 ت گ) جانە پاۆلودار (474 ت گ) قالالارى تۇر.

قارجى مينيسترلىگى حابارلايدى: 2020 -جىلدىڭ 1- قازانىنان باستاپ سيفرلىق تاڭبالاۋدى ەنگىزۋدىڭ ءبىرىنشى كەزەڭى اياسىندا تەمەكى ونىمدەرىن ساتۋدىڭ جاڭا شارتتارى كۇشىنە ەنەدى - ەندى ول مىندەتتى تۇردە تاڭبالانۋى كەرەك. تەمەكى ونىمدەرىنىڭ كەز كەلگەن اينالىمى قاجەتتى دەرەكتەردى وقيتىن جانە ولاردى فيسكالدىق دەرەكتەر وپەراتورلارىنا بەرۋگە مۇمكىندىك بەرەتىن D2- سكانەردى پايدالانۋ ارقىلى عانا مۇمكىن بولادى. بۇل نارىقتىڭ اشىقتىعىن قامتاماسىز ەتۋگە جانە حالىقتى ارزان، ءبىراق دەنساۋلىققا قاۋىپتى كونترافاكت - جالعان ونىمنەن قورعاۋعا مۇمكىندىك بەرەدى.

قازاقستان رەسپۋبليكاسى ۇكىمەتىنىڭ قاۋلىسىنا سايكەس، 2020 -جىلعى 1 - قازاننان باستاپ فيلترى بار تەمەكىلەر؛ 2021 -جىلعى 1 - ساۋىردەن باستاپ ستيكتەر، سيگارالار، سيگاريللالار، قىزدىرىلاتىن تەمەكى سياقتى تەمەكى ونىمدەرىنىڭ وزگە دە تۇرلەرى مىندەتتى تۇردە تاڭبالانۋعا جاتادى.

2020 -جىلدىڭ مامىرىندا ستاتيستيكا كوميتەتى العاش رەت ەرەسەك تۇرعىنداردىڭ شىلىم تۇتىنۋى تۋرالى ساۋالناما جۇرگىزدى. ساۋالناماعا 5,5 ميلليون ادام قاتىستى. ساۋالناما قورىتىندىسى بويىنشا، قازىرگى ۋاقىتتا % 21,9 قاتىسۋشى شىلىم شەگەدى، ال % 78,1- ى - شەكپەيدى. ەلىمىزدە كۇنىنە 14,1 ميلليون دانا تەمەكى ءونىمى تۇتىنىلادى. ق ر- دا كۇن سايىن 961,9 مىڭ ادام وندىرىستىك تەمەكى شەگەدى. بارلىق تەمەكى شەگۋشىلەردىڭ جارتىسىنا جۋىعى - 440,6 مىڭ ادام - كۇنىنە وسى سەكىلدى 15-24 تەمەكىنى پايدالانادى.

تاعى ءبىر بولىگى - 236,5 مىڭ رەسپوندەنت - كۇن سايىن 10-14 تەمەكى شەگەدى. قاتىسۋشىلاردىڭ % 16,9- ى كۇنىنە 5-9 تەمەكى شەگەدى. 2020 -جىلعى قاڭتار- تامىزدا كومپانيالار 10,6 ميلليارد تەمەكى، سيگار، پاپيروس جانە باسقا دا وسىعان ۇقساس بۇيىمداردى ءوندىردى - وتكەن جىلمەن سالىستىرعاندا % 9,9- عا ارتىق. اقشالاي ايتقاندا ءوندىرىس 131,6 ميلليارد تەڭگەنى قۇرادى.

جەتى ايدىڭ قورىتىندىسى بويىنشا جەرگىلىكتى كومپانيالار تەمەكى مەن پاپيروستارعا سۇرانىستى (ەكسپورت پليۋس ىشكى نارىقتا وتكىزۋ) % 74,7- عا قامتاماسىز ەتتى. ءبىر جىل بۇرىن بۇل كورسەتكىش % 39,9 بولعان. يمپورت ۇلەسى تيىسىنشە % 25,3 قۇرادى. ەلگە 3 ميلليارد تەمەكى مەن پاپيروس اكەلىندى - بۇل ءبىر جىل بۇرىنعىعا قاراعاندا 4 ەسە از. ەكسپورت ۇلەسىنە رەسۋرستاردىڭ % 13,9- ى تيەسىلى بولدى. ءبىر جىل بۇرىن ءدال وسى كورسەتكىش % 13,4 بولعان.

اۆتور: بالنۇر قوجاگەلدى


:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات