الماتى وبلىسىندا جول ەرەجەسىن ساقتاماعان 10 مىڭعا جۋىق ادام جازالاندى

None
None
تالدىقورعان. قازاقپارات - جىل باسىنان بەرى الماتى وبلىسىنىڭ ءتارتىپ ساقشىلارى جولدا ءجۇرۋ قاۋىپسىزدىگىن قامتاماسىز ەتۋ بارىسىندا جول ەرەجەسىن ورەسكەل بۇزعان 9859 تۇلعاعا اكىمشىلىك حاتتاما تولتىردى، دەپ حابارلايدى قازاقپارات ءتىلشىسى.

«جول قاۋىپسىزدىگىن قامتاماسىز ەتۋ بارىسىندا ءبىز تەك كولىك جۇرگىزۋشىلەرىنىڭ عانا ەمەس، جاياۋ جۇرگىنشىلەردىڭ دە جول ەرەجەسىن قاتاڭ ساقتاۋىن تالاپ ەتەمىز. جولدى كەز كەلگەن جەرىنەن كەسىپ ءوتۋ، وسى ارقىلى اپاتتىق جاعداي تۋدىرۋ دەرەكتەرى ءجيى ورىن الادى. اتاپ ايتساق، جول ەرەجەسىنە باعىنباعان 9859 جاياۋ جۇرگىنشىگە ايىپپۇل سالىندى»، - دەپ اتاپ ءوتتى وبلىستىق پ د اكىمشىلىك پوليتسيا باسقارماسىنىڭ باستىعى پوليتسيا پولكوۆنيگى داۋلەت مولداحانوۆ.

ۆەدومستۆو باسشىسىنىڭ اقپاراتى بويىنشا، بيىل جاياۋ جۇرگىنشىنىڭ ومىرىنە قاۋىپ توندىرگەن 1562 جۇرگىزۋشى دە اكىمشىلىك جاۋاپقا تارتىلعان.

سوڭعى جاڭالىقتار