الماتىلىق 10 مينۋتتا قوماقتى اقشا سالىنعان سەيفتى ۇرلاپ كەتتى
پوليتسيا دەپارتامەنتىنىڭ حابارلاۋىنشا، ۇرى قىلمىستىق جوسپارىن نەبارى 10 مينۋت ىشىندە جۇزەگە اسىرعان. 1983 -جىلى تۋعان م. ەسىمدى ازامات تاڭعى ساعات 05:00 شاماسىندا كەڭسەنىڭ كىرەبەرىسىندەگى ەسىكتتىڭ قۇلپىسىن سىندىرىپ، ىشكە كىرىپ، سول جەردەن كىشكەنە ولشەمدى تەمىر سەيفتى الىپ كەتكەن.
«وسى قىلمىستى اشۋ ءۇشىن ارنايى تەرگەۋ- جەدەل توبى قۇرىلدى، قىزمەتكەرلەر كۇدىكتىنى انىقتادى. قىلمىستى دەر كەزىندە اشۋعا بەينەباقىلاۋ كامەرالارىنىڭ كومەگى ءتيدى. كۇدىكتى ۇستالىپ، قاماۋعا الىندى. قازىرگى ۋاقىتتا ۇرلانعان قاراجاتتى ساقتاۋ ورنىن انىقتاۋعا باعىتتالعان شارالار كەشەنى جۇرگىزىلۋدە، ولار كەيىننەن ق ر ق ك- ءنىڭ 188-بابى بويىنشا قارالاتىن قىلمىستىق ءىس ماتەريالدارىنا تىركەلەدى،- دەدى بوستاندىق اۋداندىق پ ب جانىنداعى پوليتسيا ءبولىمىنىڭ باستىعى عالىم قاسىمبايەۆ.