كوروناۆيرۋس: ەلوردا ستاتسيونارلارىندا ناۋقاستار سانى 10 ەسەگە ازايدى
«مەديتسينالىق ينفراقۇرىلىمعا توقتالساق، سانيتار دارىگەرلەر بولجامىنا ءارى حالىقارالىق تاجىريبەگە سايكەس، كۇزدەگى جرۆي كەزەڭىندە ايرىقشا ساق بولۋ كەرەك. سەبەبى جرۆي كەزەڭى COVID-19 ۆيرۋسىنىڭ تارالۋىمەن ۋشىعىپ كەتپەۋى قاجەت. بۇل، ەندى قوعامنىڭ ءاربىر مۇشەسىنىڭ تارتىبىنە بايلانىستى»، - دەدى ەلوردا اكىمى «Astana» تەلەارناسىنا بەرگەن سۇحباتىندا.
سونىمەن قاتار ول قالاداعى دەنساۋلىق ساقتاۋ نىساندارىنا قاجەتتى قۇرالدار مەن اپپاراتتار ساتىپ الىنعانىن جەتكىزدى.
«وسىنىڭ بارلىعى ءبىزدىڭ دارىگەرلەر مەن بارشا مەديتسينالىق ينفراقۇرىلىم جرۆي ماۋسىمىنا دايىن بولۋى كەرەكتىگىن كورسەتىپ وتىر. كارانتيندىك شارالار ىندەتتىڭ تارالۋىن ايتارلىقتاي تومەندەتتى، ستاتسيونارلارداعى پاتسيەنتتەر سانى 10 ەسەگە جۋىق ازايدى»، - دەدى اكىم.
ونىڭ ايتۋىنشا، ىندەتتىڭ تارالۋى دەڭگەيى جوعارى كەزەڭدە ستاتسيونارلاردا ءبىر مەزگىلدە 3 مىڭنان استام ادام بولدى. قازىرگى كەزدە 380 گە جۋىق ادام بار. پنيەۆمونيامەن اۋىرعاندار سانى 12 ەسەگە ازايدى.