قازاقستاندىق تانىمال ازىلكەش «ءبىز بىردەيمىز» ءانىن 10 تىلدە ورىندادى

نۇر- سۇلتان. قازاقپارات - قازاقستاندىق تانىمال ازىلكەش دانيار ءجۇمادىلوۆ جەر بەتىندەگى ادامداردىڭ بىرلىگى، بىردەي ەكەندىگى تۋرالى ءاندى 10 تىلدە ورىنداپ، بەينەبايان ءتۇسىردى، دەپ حابارلايدى قازاقپارات.

دانيار ءجۇمادىلوۆ «ءبىز بىردەيمىز» انىنە تۇسىرىلگەن بەينەباياندى Instagram پاراقشاسىنا سالدى. ەكى كۇن ىشىندە بەينەباياندى 45 مىڭ ادام كورىپ ۇلگەرگەن.

«سوڭعى ۋاقىتتا بولىپ جاتقان وقيعالار ادامزاتتىڭ ادامگەرشىلىك ۇعىمىن ۇمىتىپ بارا جاتقاندىعىنان حابار ەتەدى. ۇلتقا ءبولىنىپ، بايبالام سالۋدىڭ قاجەتى جوق. ادامداردى ناسىلىنە قاراپ ەمەس، ادامگەرشىلىك قاسيەتتەرىنە قاراپ باعالايىقشى»، - دەپ جازدى ول. ول اتالعان ءاندى ۋكرانين، اعىلشىن، يۆريت، نەمىس، تۇرىك، يسپان، پارسى، قازاق جانە باسقا تىلدەردە ورىندادى.