تۇركىستاندا اباي ەسىمدى 10 جاستاعى بالالار سىيلىق الدى

None
None
تۇركىستان. قازاقپارات - تۇركىستان قالاسىندا اباي ەسىمدى 10 جاستاعى بالالار سىيلىق الدى، دەپ حابارلايدى قازاقپارات.

وڭىرلىك كوممۋنيكاتسيالار قىزمەتىنەن ءمالىم ەتكەندەي، تۇركىستان قالاسىنداعى «جەڭىس» ساياباعىندا ۇلى ابايدىڭ 175 جىلدىق مەرەكەسىنە وراي «ادامزاتتىڭ ابايى» اتتى مەرەكەلىك ءىس- شارا ءوتتى. ۇيىمداستىرۋشى - وبلىستىق قوعامدىق دامۋ باسقارماسىنا قاراستى «جاستار رەسۋرستىق ورتالىعى».

«ءىس- شارا بارىسىندا باسقارما قولداۋىمەن اباي ەسىمدى 10 جاستاعى ءبىرقاتار جاسوسپىرىمگە ارنايى سىيلىقتار تابىس ەتىلدى»، - دەلىنگەن اقپاراتتا.

«جاس ۇرپاققا ابايدىڭ ۇلى بەينەسىن، ونەگەلى ءومىرى مەن شىعارماشىلىعىن ناسيحاتتاۋ - بىزگە پارىز. اباي ەسىمىن كوتەرىپ ءجۇرۋ - ۇلكەن جاۋاپكەرشىلىك. وبلىسىمىزداعى اباي ەسىمدى جاستار بۇل جاۋاپكەرشىلىكتى كوتەرىپ جۇرە الادى دەپ سەنەمىن»، - دەدى قوعامدىق دامۋ باسقارما باسشىسىنىڭ ورىنباسارى داۋرەن سارييەۆ.

شارا بارىسىندا تۇركولوگيا عىلىمي زەرتتەۋ ينستيتۋتىنىڭ عىلىمي قىزمەتكەرى، فيلولوگيا ماگيسترى روزا جۇماباي قىزى «ابايدىڭ كىسىلىك كەلبەتى» تۋرالى بايانداما وقىپ، وسى كۇنگە دەيىن ۇلى اقىن تۋرالى جازىلعان قۇندى ماقالالارعا شولۋ جاسادى.

«ال جاس اقىندار ابايعا ارنالعان جۇرەكجاردى ولەڭدەرىن وقىپ، كوركەمسوز وقۋ شەبەرلەرى اقىننىڭ جىرلارىن ناقىشىنا كەلتىرە جۇرت نازارىنا ۇسىندى. سونداي- اق، مەرەكە كەزىندە حالىق اراسىندا كەڭ تارالعان اباي اندەرى شىرقالدى. ماسەلەن، قوجاحمەت امانبايەۆ «سەگىز اياق» ءانىن، مەيرامبەك مىرزاحمەتوۆ «كوزىمنىڭ قاراسى» ءانىن تامىلجىتا ورىنداپ، كەلگەن قوناقتارعا ەرەكشە سەرپىلىس سىيلادى»، - دەدى وڭىرلىك كوممۋنيكاتسيالار ورتالىعىنان.

ايتا كەتەيىك، قازاقستاندا 10- تامىز - اباي كۇنى بولىپ بەلگىلەندى.

سوڭعى جاڭالىقتار