قازاقپارات كۇنتىزبەسى: 10- تامىز
اتاۋلى كۇندەر
اباي كۇنى
قازاقستان رەسپۋبليكاسى ۇكىمەتىنىڭ 2020-جىلعى 4- تامىزداعى قاۋلىسىمەن 10- تامىز مەرەكەلىك كۇندەردىڭ تىزبەسىنە قوسىلىپ، اباي كۇنى بولىپ بەلگىلەندى.
اباي - قازاق جازبا ادەبيەتىنىڭ نەگىزىن قالىپتاستىرعان ۇلى اقىن، اعارتۋشى ءارى ويشىل. ونىڭ شىعارمالارى بۇگىنگى كۇنگە دەيىن الەمنىڭ 60 تىلىنە اۋدارىلعان.
قازىرگى تاڭدا الماتىدا اقىننىڭ اتىمەن جوعارى وقۋ ورنى، وپەرا جانە بالەت تەاترى، ۇلكەن داڭعىل اتالسا، كوركەم ادەبيەت سالاسى بويىنشا مەملەكەتتىك سىيلىق تاعايىندالعان. شىعىس قازاقستان وبلىسىنداعى ءبىر اۋدانعا، قاراعاندى وبلىسىنداعى ءبىر قالاعا اتى بەرىلگەن. سونداي-اق ىلە الاتاۋىنىڭ تەڭىز دەڭگەيىنەن 4010 مەتر بيىكتىكتەگى شىڭى دا اقىن ەسىمىمەن اتالادى.
ەستە قالار وقيعالار
1995 -جىلى سەمەي قالاسىندا ابايدىڭ جاڭا مادەني-تاريحي جانە اۋماقتىق-مەموريالدىق كەشەنى سالتاناتتى تۇردە اشىلدى. كەشەنگە جاڭا مۇراجاي مەن قايتا وڭدەۋ وتكىزىلگەن ابايدىڭ ءوزى ءتالىم العان مەدرەسە مەن مەشىت كىرەدى.
2010 -جىلى تالدىقورعان قالاسىندا سپورت سارايى الدىندا قازاقتىڭ ۇلى اقىنى ءسۇيىنباي ارون ۇلىنا ەسكەرتكىش ورناتىلدى. بيىكتىگى شامامەن 10 مەترگە جەتەتىن مونۋمەنت تازا قولادان قۇيىلعان، ونىڭ اۆتورلارى - بەلگىلى قازاقستاندىق ساۋلەتشى قازبەك جارىلعاپوۆ پەن ءمۇسىنشى مەرلان ازماعامبەتوۆ.
2012 -جىلى مەملەكەت باسشىسى نۇرسۇلتان نازاربايەۆ اقمولا وبلىسىنا جۇمىس ساپارى بارىسىندا كوكشەتاۋ قالاسىنداعى فيزيكا-ماتەماتيكا باعىتىنداعى نازاربايەۆ زياتكەرلىك مەكتەبىندە بولدى.
2012 -جىلى ماڭعىستاۋ وبلىسىنداعى قاراقۇدىق كەن ورنىندا مەرەيتويلىق 10 ميلليونىنشى مۇناي تونناسى الىندى. قاراقۇدىق كەن ورنى اقتاۋ قالاسىنان سولتۇستىك- شىعىسقا قاراي 365 شاقىرىم قاشىقتىقتا ورنالاقان. العاش رەت بۇل ماڭنان مۇناي 1972-جىلى تابىلعانىمەن تەك 1998-جىلدان باستاپ الىنا باستادى.
2014-جىلى تبيليسيدە 9-حالىقارالىق مادەنيەت، ءسان جانە ونەر بالالار فەستيۆالىنىڭ التىن ءتاجىن ماراپاتتاۋ ءراسىمى ءوتتى. اتالمىش بايقاۋدا قازاقستان اتىنان اپالى-ءسىڭلىلى كسەنيا (13 جاستا) جانە اناستاسيا (10 جاستا) ميحايلوۆسكايالار ونەر كورسەتتى.
كسەنيا «Little Miss Universe-2014، Super Grand prix» اتاقتارىنا يە بولدى. جەڭىمپازعا التىن ءتاج تاعىلىپ، ديپلوم، «ديادەما» زەرگەرلىك سالونىنان فەستيۆالدىڭ سيمۆوليكاسى سالىنعان التىن القا سىيعا تارتىلدى. بايقاۋدا كسەنيا قازاقتىڭ ۇلتتىق ءبيى «اققۋدى» بيلەدى. ال اناستاسيا «Little Miss Universe grand prix-2014» اتاعىن جەڭىپ الدى.
سونداي-اق، فەستيۆالدىڭ ارنايى اتالىمدارىنىڭ ءبىرى - «Little Miss Elegance 2014» اتاندى. جەڭىمپازعا ۇزدىك ۇلتتىق كوستيۋم ءۇشىن ديپلوم بەرىلدى.
2014-جىلى قازاقستاندىق قوس بالۋان ۆاديم پساريەۆ پەن جاكسىلىق ۇشكەمپىروۆتىڭ ەسىمدەرى شۆەيتسارياداعى فيلا شتاب-پاتەرىندەگى كۇرەس داڭقى زالىنا ەنگىزىلدى.
2016-جىلى «قۇنانباي» فيلمى XIIقازان حالىقارالىق مۇسىلمان كينوسى فەستيۆالىنىڭ نەگىزگى كونكۋرستىق باعدارلاماسىنا قاتىستى.
2017 -جىلى قازاقستان رەسپۋبليكاسى العاش رەت پولشانىڭ تورۋن قالاسىندا وتكەن XVIII بۇكىل الەمدىك جازعى پولونيي ويىندارىنا قاتىستى. كاسىبي ەمەس سپورتشىلار اراسىنداعى جارىستا 32 ەلدىڭ كوماندالارى سىنعا ءتۇستى.
قازاقستان نامىسىن استانا مەن الماتىدان 17 ادام قورعاپ، 11 مەدال جەڭىپ الدى.
2017 -جىلىالەمنىڭ 40-تان استام ەلىندە 22 تىلدە National Geographic تۇسىرگەن استانانىڭ مەگاقۇرىلىستارى تۋرالى فيلمنىڭ الەمدىك تۇساۋكەسەرى بولدى. ايگىلى National Geographic تەلەارناسىنىڭ كومانداسى استانانىڭ ءزاۋلىم عيماراتتارى تۋرالى دەرەكتى فيلم ءتۇسىرىپ، وسى عيماراتتاردى دا جانە قالانىڭ ءوزىن دە مەگاقۇرىلىستار قاتارىنا جاتقىزدى.
قازاقستان استاناسىنىڭ باس قۇرىلىسشىسى - پرەزيدەنت نۇرسۇلتان نازاربايەۆ بەلگىلى ساۋلەتشىلەرمەن بىرگە فيلمنىڭ باس كەيىپكەرى بولدى.
2017 -جىلى كاتار قازاقستان ازاماتتارى ءۇشىن تەگىن ۆيزالار ەنگىزىلگەنىن جاريالادى. ەندى قازاقستاندىقتار كاتارعا 30 كۇنگە بارىپ، ونىڭ مەرزىمىن تاعى 30 كۇنگە سوزۋىنا بولادى.
2017 -جىلى ديماش قۇدايبەرگەن گونكونگتاعى Golden melody awards بايقاۋىنىڭ «جىلدىڭ ۇزدىك ورىنداۋشىسى» اتالىمىندا جەڭىمپاز اتاندى.
قازاقستاندىق ءانشى قىتايدا وتكەن Singer-2017 جوباسىندا ەكىنشى ورىن الىپ، الەمگە تانىلعان بولاتىن.