قازگيدرومەت: 10- تامىز كۇنگى اۋا رايى بولجامى
كاسىپورىن تاراتقان مالىمەتتەرگە قاراعاندا، وڭتۇستىك تسيكلون قازاقستاننىڭ باسىم بولىگىندە اۋا- رايىنىڭ قۇبىلمالى بولۋىنا ىقپال ەتەدى.
وسىعان قاراي، رەسپۋبليكانىڭ كەي جەرلەرىندە نايزاعاي مەن جاڭبىر، سولتۇستىك-باتىسىندا نوسەر جاڭبىر جاۋادى.
داۋىل تۇرىپ، بۇرشاق جاۋۋى دا مۇمكىن. سونداي-اق رەسپۋبليكانىڭ ءبىرقاتار بولىگىندە جەل كۇشەيىپ، وڭتۇستىكتە جانە باتىستا شاڭدى داۋىل تۇرادى. سولتۇستىكتە، سولتۇستىك-باتىستا - تۇمان.
اقمولا، قاراعاندى، سولتۇستىك قازاقستان وبلىستارىنىڭ كەي جەرلەرىندە نايزاعاي ويناپ، داۋىل تۇرادى، جەلدىڭ جىلدامدىعى سەكۋندىنا 15-20 مەتر بولادى، ەكپىنى 23 مەتر، بۇرشاق جاۋۋى دا مۇمكىن. سولتۇستىك قازاقستان وبلىسىنىڭ كەي جەرلەرىنە تۇمان تۇسەدى.
الماتى، پاۆلودار، شىعىس قازاقستان، كۇندىز تۇركىستان وبلىستارىنىڭ كەي جەرلەرىندە نايزاعاي ويناپ، جەل سەكۋندىنا 15-20 مەتر جىلدامدىقپەن ۇيتقيدى.
اتىراۋ، مانعىستاۋ، باتىس قازاقستان، كۇندىز جامبىل وبلىستارىنىڭ كەي جەرلەرىندە جەل كۇشەيىپ، جىلدامدىعى سەكۋندىنا 15-20 مەترگە جەتەدى.
باتىس قازاقستان، ماڭعىستاۋ وبلىستارىندا شاڭدى داۋىل تۇرادى. قىزىلوردا وبلىسىندا كۇندىز جەل سەكۋندىنا 15-20 مەتر جىلدامدىقپەن سوعادى. رەسپۋبليكانىڭ كەي جەرلەرىندە جەلدىڭ ەكپىنى 25 مەتر بولادى، شاڭدى داۋىل تۇرادى.
اقتوبە وبلىسىنىڭ ءبىرقاتار اۋماعىندا نايزاعاي ويناپ، جەل سەكۋندىنا 15-20 مەتر جىلدامدىقپەن سوعادى، كۇندىز جەلدىڭ ەكپىنى 23 م/س بولادى.
قوستاناي وبلىسىنىڭ كەي جەرلەرىندە نايزاعاي ويناپ، جەل سەكۋندىنا 15-20 مەتر جىلدامدىقپەن ۇيتقيدى. بۇرشاق جاۋىپ، تۇندە جانە تاڭەرتەڭ كەي جەرلەرىنە تۇمان تۇسەدى.
كۇندىز الماتى وبلىسىندا اپتاپ ىستىق بولادى. قىزىلوردا، تۇركىستان، جامبىل، الماتى وبلىستارىنىڭ باسىم بولىگىندە، اتىراۋ، اقتوبە، قاراعاندى وبلىستارىنىڭ كەي جەرلەرىندە ءورت قاۋپى ساقتالادى.