ەلىمىزدە التىن باعاسى ءبىر جىل ىشىندە 10 پايىز قىمباتتادى
ەڭ قىمبات باعا نۇر-سۇلتان قالاسى مەن اقتاۋ مەن اتىراۋ قالالارىندا تىركەلدى، دەپ حابارلايدى قازاقپارات energyprom.kz سايتىنا سىلتەمە جاساپ.
ماۋسىم ايىندا زەرگەرلىك جانە وعان ۇقساس بۇيىمدار ءوندىرىسى 62,6 ميلليون تەڭگەنى قۇرادى. ال مامىر ايىندا كورسەتكىش بۇدان دا تومەن بولىپ، 55,5 ميلليون تەڭگەنى قۇرادى.
ق ر ۇ ە م ستاتيستيكا كوميتەتىنىڭ مالىمەتى بويىنشا، وتكەن جىلدىڭ ماۋسىمىندا ءوندىرىستىڭ ناقتى ءوسىمى 3,3 پايىز بولدى.
2020 -جىلدىڭ ءبىرىنشى جارتىجىلدىعىندا قازاقستاندا زەرگەرلەرلىك بۇيىمدار ءوندىرىسىنىڭ كولەمى 434,7 ميلليون تەڭگەنى قۇراعان ەدى (ناقتى ءوسىم ءبىر جىلدا 32,1 پايىز). وتكەن جىلى جالپى ءوندىرىس كولەمى 742 ميلليون تەڭگەدەن اسسا، 2015-جىلى 314,1 ميلليون تەڭگە بولاتىن.
2020 -جىلدىڭ ماۋسىم ايىندا ەلىمىزدىڭ ءىرى قالالارى مەن مەگاپوليستەرىندەگى التىننان جاسالعان زەرگەرلىك بۇيىمداردىڭ ورتاشا باعاسى ءبىر گرام ءۇشىن 18,3 مىڭ تەڭگەنى قۇرادى. بۇل ءبىر جىل بۇرىنعى باعاعا قاراعاندا 9,5 پايىزعا كوپ.
سارى مەتالدان جاسالعان ەڭ قىمبات زەرگەرلىك بۇيىمدار نۇر-سۇلتان، اقتاۋ مەن اتىراۋ قالالارىندا بولىپ وتىر.