21:31, 15 - شىلدە 2020 | GMT +6
ەلىمىزدىڭ 10 وڭىرىندە شىلىڭگىر ىستىق بولادى
نۇر- سۇلتان. قازاقپارات - توتەنشە جاعدايلار كوميتەتى ازاماتتاردى سۋ ايدىنى مەن ورماندى- دالالى ايماقتاردا قاۋىپسىزدىك ەرەجەلەرىن ساقتاۋعا شاقىرادى، دەپ حابارلايدى قازاقپارات مەكەمەنىڭ باسپا ءسوز قىزمەتىنە سىلتەمە جاساپ.
«قازگيدرومەت» ر م ك مالىمەتى بويىنشا، ەلىمىزدىڭ 10 وڭىرىندە قاتتى ىستىق ساقتالادى. 15-شىلدە كۇندىز باتىس قازاقستان، اتىراۋ، اقتوبە، قاراعاندى، قوستاناي، قىزىلوردا، ماڭعىستاۋ، سولتۇستىك قازاقستان، تۇركىستان وبلىستارىندا 35-39, 40-42 گرادۋسقا دەيىن قاتتى ىستىق، ەكپىنى سەكۋندىنا 15-20 مەترگە جەتەتىن جەل، كەي جەرلەردە شاڭدى داۋىل سوعادى.
15-16- شىلدە كۇندىز اقمولا وبلىسىنىڭ كەي ايماقتارىندا 35 گرادۋس ىستىق پەن توتەنشە ءورت قاۋپى ساقتالادى. داۋىل ىقتيمالدىعى - %80-85.
«رەسپۋبليكادا قاتتى ىستىق اۋا رايى وزگەرمەي تۇرعاندىقتان، ءورت قاۋپىنىڭ جوعارى دارەجەسى ساقتالادى» دەلىنگەن ت ج ك حابارلاماسىندا. توتەنشە جاعداي كوميتەتى ازاماتتاردى قاۋىپسىزدىك ەرەجەلەرىن ساقتاۋعا شاقىرادى.