+7 (701) 759 90 19
20 °С : نۇر-سۇلتان
21 °С : الماتى
USD 409.19 EUR 461.24
RUB 5.67 CNY 58.26
جاڭالىقتار

كوروناۆيرۋستى سيمپتومسىز وتكەرەتىن ادامداردى وقشاۋلاۋ مەرزىمى 10 كۇنگە قىسقارتىلدى

29 مامىر 19:29
:ءبولىسۋ
كوروناۆيرۋستى سيمپتومسىز وتكەرەتىن ادامداردى وقشاۋلاۋ مەرزىمى 10 كۇنگە قىسقارتىلدى

نۇر- سۇلتان. قازاقپارات - دەنساۋلىق ساقتاۋ ءمينيسترى ەلجان ءبىرتانوۆ قازاقستاندا كوروناۆيرۋستى اۋرۋ بەلگىسى جوق كۇيدە كوتەرەتىن ادامداردى وقشاۋلاۋ مەرزىمى قىسقارتىلعانىن ءمالىم ەتتى، دەپ حابارلايدى قازاقپارات ءتىلشىسى.

«ءبىزدىڭ نازارىمىزدى اۋدارتقانى: كوپتەگەن ەلدە كوروناۆيرۋس ينفەكسياسىن انىقتاۋ ادىستەمەسى - مەديتسينالىق ۇيىمدارعا ج ر ۆ ي- ءدىڭ جوتەل نەمەسە دەنە قىزۋى سەكىلدى بەلگىلەرىمەن كەلگەن پاتسيەنتتەردىڭ ىشىنەن انىقتاۋعا نەگىزدەلگەن. سول ناۋقاسپەن جاقىن قارىم- قاتىناستا بولعان ادامدار دا زەرتتەلەدى. وسىلايشا ناۋقاستار تىركەلەدى. ال ءبىز قازاقستاندا ەپيدەميانىڭ شارىقتاۋ شەگىندە، ياعني ءساۋىر ايىنىڭ ەكىنشى جارتىسىندا جابىق ۇجىمداردا بەلسەندى تەستىلەۋ باعدارلاماسىن باستادىق. ينفەكسيانىڭ جاسىرىن وشاقتارىن تابۋ ءۇشىن ساۋ ادامداردىڭ ءوزى دە تەستتەن وتە باستادى»، - دەيدى ەلجان ءبىرتانوۆ دەنساۋلىق ساقتاۋ مينيسترلىگىنىڭ Facebook پاراقشاسىندا «حابار 24» ارناسى ءتىلشىسىنىڭ سۇراعىنا جاۋاپ بەرە وتىرىپ.

ەلجان ءبىرتانوۆ جۇمىسى توقتاماعان ۇيىمدار مەن كاسىپورىن ۇجىمدارىنىڭ ىشىندە جاسىرىن وشاقتاردىڭ بولۋى مۇمكىن ەكەنىنە بولجام جاسالعانىن ايتىپ ءوتتى. اقىرى بولجام راستالىپ، كوروناۆيرۋس ينفەكسياسىن اۋرۋ بەلگىسى جوق كۇيدە كوتەرەتىن ادامداردىڭ كوپ ەكەنى انىقتالعان. «ءبىزدىڭ ەلدەگى ءوسىم - كوروناۆيرۋس ينفەكسياسىن سيمپتومسىز كوتەرەتىن ادامداردىڭ تىركەلۋىمەن تىكەلەي بايلانىستى. قازىرگى تاڭدا ءبىز كۇنىنە تەگىن 25 مىڭنان استام ادامدى تەستتەن وتكىزەمىز. كۇنىنە كوروناۆيرۋس ينفەكسياسىن جۇقتىرعان شامامەن 300 ادامنىڭ 80 پايىزى ونى اۋرۋ بەلگىسى جوق كۇيدە كوتەرەتىنى انىقتالدى. ولار اۋرۋدى سەزبەيدى. البەتتە بۇل كورسەتكىشتەر تالداۋ جۇمىستارىن كۇشەيتۋگە ءماجبۇر ەتتى. د د ۇ- نىڭ ستاندارتىنا سايكەس بۇل ادامدار وقشاۋلانعان. ءاۋ باستا ءبىز ولاردى ينفەكسيالىق اۋرۋحاناعا وقشاۋلاساق، قازىر بۇل امالدان باس تارتىپ، كارانتيندىك نىساندارعا جاتقىزا باستادىق نەمەسە ۇيلەرىندە باقىلاۋدا ۇستادىق. سول سەبەپتى قازاقستاندا تىركەلگەندەردىڭ كوبىن ناۋقاستار مەن ۆيرۋستى الىپ جۇرۋشىلەر دەپ ايتۋعا بولادى»، - دەدى ول.

وسىعان بايلانىستى قازاقستان ۆيرۋسپەن كۇرەستىڭ تاكتيكاسىن وزگەرتكەن. «كەشە عالىمداردىڭ بارىمەن كەلىسىپ، كوروناۆيرۋستى اۋرۋ بەلگىسى جوق كۇيدە كوتەرەتىن ادامداردى ينفەكسيالىق ستاتسيونارعا جاتقىزباۋدى ءجون دەپ شەشتىك. ولارعا ينتەنسيۆتى تەراپيا قاجەت ەمەس. ۋچاسكەلىك دارىگەرلەر ولاردى ۇيلەرىندە باقىلاي بەرەدى. ەگەر اۋرۋ بەلگىلەرى پايدا بولىپ جاتسا، اۋرۋحاناعا جاتقىزۋعا بولادى. زەرتتەۋ كورسەتىپ وتىرعانداي «بەلسەندى» ناۋقاستاردان قاراعاندا بۇل ادامدار اسا قاۋىپتى ەمەس. وسىعان بايلانىستى ولاردى وقشاۋلاۋ مەرزىمىن 10 كۇنگە ۇيىندە باقىلايتىن بولامىز. ونىنشى كۇنى ونىڭ ۇيىنە دارىگەرلەر كەلىپ، تەست الادى. ول كەزدە ادام جازىلىپ كەتسە، ول باقىلاۋدان الىنادى. ەگەر تەست ونىڭ «وڭ» ناتيجەنى كورسەتىپ تۇرسا، ءبىز ونى ارى قاراي باقىلايمىز»، - دەدى ەلجان ءبىرتانوۆ.

اۆتور: ايان بەكەن ۇلى



:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات