توتەنشە جاعداي رەجيمىن بۇزعان قاراعاندى وبلىسىنىڭ ءۇش تۇرعىنى 10 كۇنگە قامالدى

None
None
قاراعاندى. قازاقپارات - پوليتسيا قىزمەتكەرلەرىنىڭ ەسكەرتۋىنە قاراماستان كەيبىر ازاماتتار توتەنشە جاعداي رەجيىمن بۇزىپ وتىر.

ءتارتىپ ساقشىلارى ت ج رەجيمىن بۇزعان ءۇش ادامدى قاماۋعا الدى، دەپ حابارلايدى قازاقپارات ءتىلشىسى.

4-ءساۋىر كۇنى پوليتسيا قىزمەتكەرلەرى مەن ق م اسكەري قىزمەتشىلەرى «سوقىر» بەكەتىن دالا ارقىلى اينالىپ وتۋگە تىرىسقان 26 جاستاعى قاراعاندى تۇرعىنىن ۇستادى. جىگىتتىڭ ايتۋىنشا، ول اتا- اناسىمەن ۇرىسىپ، بالقاش قالاسىنا دەيىن جاياۋ وتكىسى كەلگەن. پوليتسەيلەر ۇستاعان تاعى ءبىر 26 جاستاعى نۇر-سۇلتان قالاسىنىڭ تۇرعىنى 6-ءساۋىر كۇنى بالقاش قالاسىنا جۇمىس بابىمەن بارا جاتىپ، ءوز اۆتوكولىگىمەن ەكى جولاۋشىنى بلوكپوست ارقىلى وتكىزبەك بولعان. سول كۇنى تاعى ءبىر 42 جاستاعى ەر ادام بلوكبەكەتتەن ءوتىپ كەتپەك بولعان.

«قۇقىق بۇزۋشىلارعا قاتىستى بارلىق فاكتىلەر بويىنشا ق ر ق ك 476-بابى 1-تارماعى بويىنشا اكىمشىلىك حاتتاما جاسالدى. قاراعاندى قالاسىنىڭ مامانداندىرىلعان اۋدانارالىق اكىمشىلىك سوتىنىڭ قاۋلىسىمەن ءتارتىپ بۇزۋشىلاردىڭ ءارقايسىسى 10 تاۋلىككە اكىمشىلىك قاماۋعا الىندى»، - دەپ حابارلادى قاراعاندى وبلىسى پ د باسپا ءسوز قىزمەتى.

قاراعاندى وبلىسىنىڭ پوليتسيا دەپارتامەنتى ق ر ا ق ب ك 476-بابىنا سايكەس كارانتيندى بۇزعانى ءۇشىن ايىپپۇل (10 ا ە ك نەمەسە 26510 تەڭگە) نەمەسە 15 تاۋلىككە دەيىن قاماۋ كوزدەلگەننىن تاعى ءبىر مارتە ەسكەرتەدى. قاراعاندى وبلىسىندا بارلىعى 18 بلوكپوست پەن 17 سانيتارلىق بەكەت جۇمىس ىستەيدى. ولاردىڭ بارلىعى اسحاناعا ارنالعان ءۇي-جايلارمەن، دەمالىس بولمەلەرىمەن، بيودارەتحانالارمەن، سونداي-اق جۇمىسقا قاجەتتى تەحنيكامەن جانە جابدىقتارمەن جابدىقتالعان. جەرگىلىكتى اتقارۋشى بيلىك ورگاندارى بلوكپوست پەن سانيتارلىق بەكەتتەردە جۇمىس ىستەيتىندەردىڭ بارلىعىن ءۇش مەزگىل تاماقپەن قامتاماسىز ەتەدى.

اۆتور: اگاتا مۋحامەدجانوۆا


سوڭعى جاڭالىقتار