جەر كولەمى ەڭ ۇلكەن 10 ەل
ءبىزدىڭ ەل نەشىنشى ورىندا؟ - دەپ سۇراساڭ كوبىمىز مۇدىرە قويماسپىز. الدە ۇمىتىپ قالدىڭىز با؟ ەسكە ءبىر تۇسىرە كەتەيىك.
10. الجير
سولتۇستىك افريكادا ورنالاسقان ءالجيردىڭ جەر كولەمى - 2381740 ك م².
قارا قۇرلىقتاعى جەر اۋماعى ەڭ ۇلكەن مەملەكەت.
9. قازاقستان
ۇمىتىپ قالعان بولساڭىز، ەندى ەستەن شىعارماستاي جاتتاپ الىڭىز. قازاقستان جەر كولەمى بويىنشا الەمدە 9-ورىن الادى. اۋماعى - 2724902 ك م².
ەۋرازيانىڭ ورتالىعىندا ورنالاسقان. جەر كولەمىنىڭ باسىم بولىگى ازياعا كىرەدى. از عانا اۋماعى ەۋروپا شەكاراسىندا.
ازيادا جەر اۋماعى بويىنشا 4-ورىندا.
8. ارگەنتينا
وڭتۇستىك امەريكاداعى بۇل ەلدىڭ جەر كولەمى - 2766890 ك م². انتاركتيدا قۇرلىعىنىڭ بەلگىلى ءبىر بولىگىن دە ارگەنتينا ءوز جەرى دەپ سانايدى.
ءبىراق مەملەكەتتىڭ جالپى اۋماعىنا ەنبەيدى. سەبەبى انتاركتيدا حالىقارالىق ەرەجە بويىنشا بەيتاراپ اۋماق سانالادى.
7. ءۇندىستان
وڭتۇستىك ازياداعى بۇل ەلدىڭ جەر اۋماعى - 3287263 ك م². ازيا بويىنشا 3-ورىندا.
6. اۋستراليا
اۋستراليا قۇرلىعى، تاسمان ارالدارى مەن ءۇندى جانە تىنىق مۇحيتتارىنداعى وزگە دە ارالداردى الىپ جاتقان مەملەكەت. بارلىعىن قوسقاندا جەر اۋماعى - 7692024 ك م².
5. برازيليا
وڭتۇستىك امەريكا قۇرلىعىنداعى جەر اۋماعى ەڭ ۇلكەن ەل.
جالپى جەر كولەمى - 8514877 ك م².
4. ا ق ش
ا ق ش- تىڭ جەر كولەمىنە قاتىستى ءتۇرلى دەرەكتەر بار. مىسالى The World Factbook (CIA) دەرەگى بويىنشا - 9826675 ك م². ناتيجەسىندە الەمدە 3-ورىندا دەپ سانالادى. بۇل جاعالاۋلاردى قوسا ەسەپتەگەندە. ال بريتان ەنتسيكلوپەدياسى دەرەگى بويىنشا جەر كولەمى - 9526468 ك م². وسى دەرەك بويىنشا الەمدە 4-ورىندا.
3. قىتاي
گونكونگ پەن ماكاونى قوسا العاندا قىتايدىڭ جەر كولەمى 9598077 ك م² اۋماقتى قۇرايدى.
2. كانادا
سولتۇستىك امەريكا قۇرلىعىنداعى جەر كولەمى ەڭ ۇلكەن مەملەكەت. جالپى اۋماعى - 9984670 ك م².
1. رەسەي
الەمدە جەر كولەمى ەڭ ۇلكەن مەملەكەت - رەسەي فەدەراتسياسى. قىرىمدى قوسا ەسەپتەگەندە جالپى اۋماعى - 17124442 ك م². رەسەي جەرى ەۋروپا جانە ازيادا ورنالاسقان. جەر كولەمىنىڭ %77 ى - ازيادا.
Massaget.kz