22:07, 30 - ناۋرىز 2020 | GMT +6
دارىگەر كوروناۆيرۋستان قايتىس بولسا، ونىڭ وتباسىنا 10 ميلليون تەڭگە بەرىلەدى – د س م
نۇر- سۇلتان. قازاقپارات - مەديتسينالىق قىزمەتكەر اۋىرىپ قالسا - ارنايى الەۋمەتتىك ساقتاندىرۋ قورىنان 2 ميلليون تەڭگە، ال قايتىس بولعان جاعدايدا - 10 ميلليون تەڭگە بولىنەدى.
بۇل تۋرالى ەلدەگى كوروناۆيرۋس ينفەكسياسى بويىنشا اعىمداعى جاعداي جايلى ونلاين بريفينگتە ايتىلدى، دەپ حابارلايدى قازاقپارات ءتىلشىسى.
«كوروناۆيرۋس وتە قاۋىپتى جۇقپالى اۋرۋ بولعاندىقتان مەديتسينالىق قىزمەتكەرلەر دە جۇقتىرۋى مۇمكىن. وسى ماسەلەنى قاراستىرا وتىرىپ، مەديتسينالىق قىزمەتكەر اۋىرىپ قالسا ارنايى الەۋمەتتىك ساقتاندىرۋ قورىنان 2 ميلليون تەڭگە، ال قايتىس بولعان جاعدايدا 10 ميلليون تەڭگە بولىنەدى. بۇل شارالار وتە ماڭىزدى، سەبەبى دارىگەرلەرىمىز كۇندىز- ءتۇنى ۇيىنە بارماي، جۇمىس ىستەۋدە. بۇل - مەملەكەت باسشىسى تاراپىنان ۇلكەن قولداۋ، سول سەبەپتى مەديتسينالىق قىزمەتكەرلەر اتىنان العىس ايتامىن»، - دەيدى ق ر دەنساۋلىق ساقتاۋ ءمينيسترى ەلجان ءبىرتانوۆ.
اۆتور: زارينا قاھارمان