جىل سايىن 10 مىڭ وتباسىنا قولداۋ كورسەتۋ جوسپاردا بار - ۆيتسە- مينيستر
بۇل تۋرالى ق ر يندۋستريا جانە ينفراقۇرىلىمدىق دامۋ مينيسترلىگىنىڭ كەڭەيتىلگەن القا ماجىلىسىندە ايتىلدى، دەپ حابارلايدى قازاقپارات ءتىلشىسى.
«از قامتىلعان وتباسىلاردى تۇرعىن ۇيمەن قامتاماسىز ەتۋدىڭ پارمەندى شارالارىنىڭ ءبىرى - «باقىتتى وتباسى» باعدارلاماسى. قۇجات وتكەن جىلى ىسكە قوسىلعان بولاتىن جانە مۇگەدەك بالاسى بار، كوپبالالى، تولىق ەمەس وتباسى سانالاتىن 5 مىڭنان استام ازاماتتىڭ تۇرعىن ءۇي جاعدايىن جاقسارتۋعا مۇمكىندىك بەردى»، - دەيدى ق ر يندۋستريا جانە ينفراقۇرىلىمدىق دامۋ ءبىرىنشى ۆيتسە- ءمينيسترى قايىربەك وسكەنبايەۆ.
ونىڭ ايتۋىنشا، از قامتىلعان وتباسىلاردىڭ باعدارلاماعا قول جەتكىزۋى ءۇشىن باستاپقى جارنانى جابۋ ءۇشىن تۇرعىن ءۇي سەرتيفيكاتتارى بەرىلەدى.
«2020-2023 -جىلدارى 40 مىڭ وتباسىنا نەمەسە جىل سايىن 10 مىڭ وتباسىنا قولداۋ كورسەتۋ جوسپارلانعان. مەملەكەتتىك قاراجاتتى ءتيىمدى پايدالانۋ ءۇشىن 2019 -جىلى «كەزەكتەگىلەردىڭ ءبىرىڭعاي رەسپۋبليكالىق بازاسى» سەرۆيستىك باعدارلامالىق ءونىمى ونەركاسىپتىك پايدالانۋعا بەرىلدى. وسى باعدارلاما مەملەكەتتىك ورگانداردىڭ دەرەكتەر بازاسىمەن ينتەگراتسيالانعان جانە تۇرعىن ۇيگە مۇقتاج ازاماتتاردى كەزەككە قويۋدىڭ اشىقتىعىن قامتاماسىز ەتەدى»، - دەيدى ول.
اۆتور: زارينا قاھارمان