+7 (701) 759 90 19
-7 °С : نۇر-سۇلتان
-2 °С : الماتى
USD 375.87 EUR 406.24
RUB 5.84 CNY 53.45
جاڭالىقتار

تۇركىستاندىق جاس كاسىپكەر قۇرتتىڭ 10 ءتۇرىن جاسايدى

28 قاڭتار 09:51
:ءبولىسۋ
تۇركىستاندىق جاس كاسىپكەر قۇرتتىڭ 10 ءتۇرىن جاسايدى

بايدىبەك. قازاقپارات - تۇركىستان وبلىسى، بايدىبەك اۋدانىندا جەرگىلىكتى تۇرعىن ءتۇرلى ءتۇستى قۇرت جاساۋدى كاسىپ ەتكەن.

بالا كەزىنەن اجەسى مەن اناسىنان ءارتۇرلى ءسۇت تاعامدارىن جاساۋدى ۇيرەنگەن نازەركە اسكەر زامان تالابىنا ساي كاسىبىن باستاپ، بۇگىندە جۇمىسسىز جۇرگەن جاستارعا ۇلگى بولۋدا، دەپ حابارلايدى قازاقپارات ءتىلشىسى.

ول اۋداندىق كاسىپكەرلىك پالاتاسىنا جاس كاسىپكەر رەتىندە تىركەلىپ، «باستاۋ-بيزنەس» جوباسى بويىنشا ارنايى كۋرستى وقىپ شىققان. ارنايى سەرتيفيكات العان سوڭ، بيزنەس جوسپار قۇرعان. ونى ارنايى كوميسسيادا قورعاپ، «دامۋ» كاسىپكەرلىكتى دامىتۋ قورىنان 3 ميلليون قايتارىمسىز نەسيەگە قول جەتكىزگەن.

كاسىبىن وتكەن جىلى اشقان نازەركە قۇرت وڭدەيتىن جانە دوڭگەلەك پىشىندە جاسايتىن اپپاراتتار مەن سالقىنداتقىش قۇرىلعى ساتىپ العان. قازىرگى تاڭدا ەشقانداي حيميالىق كوسپاسىز تازا تابيعي ءتۇرلى ءتۇستى قۇرتتىڭ 10 ءتۇرىن جاساۋدا.

اشى، تۇزدى، كەپتىرىلگەن جەمىستەردەن، قان كوبەيتۋگە ارنالعان ياعني قىزىلشادان، مەيىزدەن، قان قىسىمى جوعارى ادامدارعا جالبىزدان، اسقازانعا پايدالى رايحان گۇلىنەن، ءسابىز سىعىندىسىنان، كەپتىرىلگەن ورىكتەن ارالاستىرىپ دايىندالعان ءتۇرلى ءتۇستى قۇرتتاردى ارنايى تاپسىرىسپەن دايىنداپ، ساتىلىمعا شىعارىپ وتىر.

«باستاپقى بيزنەس باستاعان كەزىمدە ءتۇرلى ءتۇستى قۇرتتاردى دايىنداپ شىعارعاندا قورقىنىشتا بولعانىن جاسىرمايمىن. ادامدارعا تاڭسىقتاۋ بۇل قۇرتتاردى اۋىل تۇرعىندارى ساتىپ الادى ما دەگەن وي بولدى. ءبىراق بۇل قۇرتتاردىڭ ءدامىن تاتقان اۋىل تۇرعىندارى تاپسىرىس بەرە باستاعاندا، قورقىنىشىم باسىلدى. قايتا وسى كاسىپكە دەگەن قۇشتارلىعىم ارتا ءتۇستى»، - دەيدى جاس كاسىپكەر.

بۇگىندە نازەركە وسى كاسىپكەرلىگىن كەڭەيتىپ، ءسۇتتى سيىرلاردىڭ سانىن كوبەيتۋدى ماقسات ەتىپ وتىر. ءسويتىپ شيكىزاتتى وزىنەن شىعارىپ، ءتۇرلى ءتۇستى قۇرتقا دەگەن سۇرانىستى جوعارىلاتقىسى كەلەدى. سونداي-اق، دايىن ونىمدەرىن ءوزى تۇراتىن جامبىل اۋىلىنداعى دۇكەندەر مەن كورشى اۋىلدارعا، الىس-جاقىن قالالارعا ساتۋدى كوزدەيدى.


باستى سوزدەر: قوعام,
:ءبولىسۋ
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات