ەرتەڭنەن باستاپ ماس كۇيىندە كولىك جۇرگىزگەندەر 10 جىلعا سوتتالادى
پرەزيدەنت وسىنداي وزگەرىس ەنگىزىلگەن زاڭ جوباسىنا بۇعان دەيىن قول قويعان، سوندىقتان 2020 -جىلدىڭ باسىنان باستاپ كولىك جۇرگىزۋشىلەرى اباي بولۋى كەرەك، - دەپ حابارلايدى zakon.kz.
- قوعامدا قىزۋ پىكىرتالاس تۋدىراتىن وزەكتى ماسەلەلەردىڭ ءبىرى - ماس كۇيىندە كولىك جۇرگىزۋ. پرەزيدەنت بۇل ماسەلەدە جاۋاپكەرشىلىكتىڭ كۇشەيتۋدى تاپسىرعان. ول زاڭ بۇزۋشىلاردى تۇرمەگە وتىرعىزىپ، ايىپپۇل سالىپ، كولىك جۇرگىزۋ قۇقىعىنان ءومىر بويىنا ايىرۋ كەرەك دەدى. وكىنىشكە وراي، جىل سايىن ماس كۇيىندە كولىك جۇرگىزگەن 30 مىڭنان استام جاعداي تىركەلەدى.
ماس جۇرگىزۋشىلەردىڭ سالدارىنان بولعان اپاتتان بيىلعى جىلدىڭ وزىندە 1000-نان استام ازامات جاراقات الدى نەمەسە قايتىس بولدى، - دەدى باس پروكۋروردىڭ ورىنباسارى مارات احمەتجانوۆ ورتالىق كوممۋنيكاتسيالار قىزمەتىندە وتكەن بريفينگتە.
قازىرگى ۋاقىتتا جول ەرەجەسىن بۇزعان اۆتوكولىك يەسى (الكوگولدىك ماساڭدىق نەمەسە ماساڭدىق) جول ەرەجەسىن بۇزعاندا قانداي دەڭگەيدە ماس بولدى دەگەن زاڭدا ەشقانداي ايىرما كورسەتىلمەيدى.
ءبىراق ەندىگى زاڭ بويىنشا قاننان الكوگول تابىلسا، وندا ول بىردەن اۋىر قىلمىس ساناتىنا جاتقىزىلادى، تاتۋلاسۋعا مۇمكىندىك بەرىلمەيدى، 7 جىلدان 10 جىلعا دەيىن ءومىر بويىنا باس بوستاندىعىنان ايىرىلادى، جۇرگىزۋشى كۋالىگىنەن ءومىر بويىنا ايىرىلادى (ق ك 345-1 بابى). «ەگەر ازامات بەلگىلى ءبىر مەرزىمگە جۇرگىزۋشى كۋالىگىنەن ايىرىلىپ، كەيىن ونى العان سوڭ قايتادان ۇستالىپ، كولىكتىڭ رولىنە ماس كۇيىندە وتىرعانى بەلگىلى بولسا، وندا كولىك جۇرگىزۋ قۇقىعىنان ءومىر بويىنا ايىرىلادى»، - دەپ ناقتىلادى م. احمەتجانوۆ.