قان قىسىمى كوتەرىلگەندە كومەكتەسەتىن 10 تاعام

نۇر-سۇلتان. قازاقپارات - قان قىسىمى قان تامىرلارىنىڭ (كۇرە تامىرلار مەن كوكتامىرلاردىڭ) قابىرعالارىنا تۇسەتىن كۇش.

قان قىسىمى ادامنىڭ جاسى مەن دەنساۋلىعىنا بايلانىستى بولادى. ول قانتامىرلاردا بىردەي بولمايدى . قان قىسىمى ارتەريالاردا، اسىرەسە، قولقادا بارىنشا جوعارى بولادى. قان جۇرەكتەن الىستاعان سايىن قىسىم دا ازايادى. قان قىسىمى كاپپيليارلارعا جەتكەنشە تومەندەپ، ۆەنالاردا، اسىرەسە، جوعارى جانە تومەنگى قۋىستى ۆەنالاردا ەڭ تومەن بولادى.

1. مايسىزداندىرىلعان ىرىمشىك تامىرلاردىڭ سوزىلۋىنا اسەرىن تيگىزىپ، جۇرەكتى جاقسارتادى جانە كالتسي، ماگني، كاليدىڭ كوزى بولىپ تابىلادى. سوندىقتان كۇنىنە 100 گرامنان كەم ەمەس ىرىمشىكتى جەۋ قاجەت.

2. قىزىل بولگار بۇرىشى س دارۋمەنىنىڭ اسا كوپ مولشەرىن ءوزىنىڭ قۇرامىندا ساقتايدى. گيپەرتونيا ( قان قىسىمىنىڭ ارتۋى) اۋرۋىنا شالدىققاندارعا بۇل تاعامدى مىندەتتى تۇردە پايدالانعان ءجون. ەگەر كۇنىنە 2 دانا قىزىل بۇرىش جەيتىن بولساڭىز، ورگانيزمدەگى س دارۋمەنىنىڭ ورنىن تولتىرادى.

3. البىرت (لوسوس) - ماي قىشقىلىنىڭ كوزى جانە قان قىسىمىن ءتۇسىرۋدىڭ تاماشا ءادىسى. ونى اپتاسىنا 3 رەت 100-150 گرامنان قولدانعان ءجون.

4. سۇلى جارماسىنىڭ بوتقاسى گيپەرتونيامەن اۋىراتىن ادامداردىڭ تاڭعى اس مازىرىندە مىندەتتى تۇردە بولۋى قاجەت. زەرتتەۋلەر ناتيجەسى بويىنشا، سۇلى- اعزاداعى سەلەننىڭ ورنىن تولتىرۋشى.

5. اسقاباق شەمىشكەسى اعزاداعى سينكتىڭ ازايۋىنان ساقتايدى جانە ينفاركتان قۇتقارادى. كۇنىنە 20 گرامنان جەگەن جەتكىلىكتى.

6.كاكاو قان تامىرلارىنىڭ جاعدايىن جاقسارتادى. دەگەنمەن، ول وتە قۇنارلى(كالوريالى) سۋسىن. اپتاسىنا 1-2 شىنىاياق ىشۋگە بولادى.

7. مايسىزداندىرىلعان ءسۇت قۇرامىندا كالي، كالتسي، ماگني جانە باسقا دا دارۋمەندەر بار، گيپەرتونيامەن اۋىراتىنداردىڭ جاعدايىن جاقسارتادى. كۇنىنە 3 ستاقانعا شەيىن ىشۋگە بولادى.

8. اشى شوكولاد جۇرەك بۇلشىق ەتىن بەكىتەدى، انتيوكسيدانتتى قۇرامىندا ساقتايدى جانە 5-10 م م-گە قان قىسىمىن تۇسىرۋگە قابىلەتى بار. دەي تۇرعانمەن، ونى كوپ مولشەردە جەۋدىڭ قاجەتى جوق.

9. ميندالدىڭ قۇرامىندا مونومايلار بار بولعاندىقتان، حولەستەريننىڭ دەڭگەيىن تومەندەتەدى. بۇل جاڭعاقتا قان قىسىمىنىڭ ءتۇسۋىن قامتاماسىز ەتەتىن ە دارۋمەنى، كالي، ماگني ەلەمەنتتەرى بار.

10. كوك شاي ۇنەمى ءىشىپ وتىرۋدى قاجەت ەتەدى، وسىلايشا حولەستەريندىك تىعىندى ەرىتەدى، قۇرامىندا كوپ انتيوكسيدانت بار، ورگانيزمنىڭ توزۋ ۇدەرىسىنە جول بەرمەيدى. الەمدە كوك شايدى كوپ ىشەتىن جاپونيادا حالىقتىڭ بارلىعى دەرلىك گيپەرتونيا اۋرۋىمەن اۋىرمايدى.

دەرەككوز: Reactor